¹ Uken ittougyen enyifun Yesu ambe Bitilisu, Yakubu, Yohana ufgini mbo ambe ka tko etki ihwen re tkkegye. ² A ra bi gyan egyu azwi mbe. Kiswembu tsu zana uken. Eken voegyi begyan hwezi nna egha tkun. ³ Debo, adu Musa re Iliya nyo aken re do. ⁴ Bitilisu nkpe'indo Yesu, Ebarmbi'idi,asi keri i ra te ate. Nkena uma kpe-indo, nnakya afku ita ugyen enabu, naugyen ambe Musa, na ugyen na mbe Iliya. ⁵ Eten na ra nyo aken umbu na keke chekenmbe, uvon ze nken mbe umbu nyo na, awen Imba mi na sim, Ni fkan, ⁶ Azwi bachen mbo fkaninoma ekpo kedzun se iki ehwere afukyen. ⁷ Yesu bo atchoe agbu egi,"nyo etikyen-afukyen". ⁸ Ekpu etki etan ede eyen ugyen vonze Yesu mba. ⁹ Azwi esizibo etki ihwen ma, Yesu nyo na, ni ti mbe aken uda wen nyo kena ugyen fkanze Imba eyen-uhwe ra shi ummui." ¹⁰ Bauchenmbo eka-aken nyo na akon voasi falisiyawa nyo Iliya kinkin ara bo akaiswen?" ¹¹ Yesu mbe ufeun anyo na, "Iliya uzwen igyibo abo ke abi kya ambi kata. ¹² Ino mna she'u, Iliya abo hwetore, inowen abe era ke mbe effor. Etki na, abe evoambi era chon azwiu. Nken ufu'yen, Imba eyen-uhwe ara vo ekan agbu mbe. ¹³ Ate Bauchen efkangi ambi na anyo re de etki mbe Yohana eyen se nuben-etji. ¹⁴ Eten na abe ebo azwi mbe Imbayen, abagagi bo azwi'mbo, abwen ekuswenmbo anyo na, ¹⁵ "Ebarmbi'idi, de itoushi etkimbe Imbabu, de ambe re ufon a ra vo-ekan re ikpu'fu. Ahwe ra kpu nken uffi ko enuben. ¹⁶ Mbe bo azwi mbe ebachen'mbu edaka mba. ¹⁷ Yesu mbe uvun nyo, "eswi ba so uzwen re umi, ufon ifin nnahwe re dene? Ufon ifin nji re dene? Mbe kembo ate," ¹⁸ Yesu dne aken re nvun'izwi, ate abuzi azwimbo Imbabiski'mu du egyengyen re agbugbu. ¹⁹ Ebachen eton bo azwi mbe Yesu enyo, ekon vo'asi itkan kaya? ²⁰ Yesu she nyo, etki na uzwen sosomne hwe chika. De ame nna she ne uzwen, nke na ni ma so uzwen nke ini-ambi na hwe swinswine hwe'ze ini eszu, nkena ura nyo na ihwen, yun ate aka fen -ana, ara yun ambiyen na vogdo mbe ne hwer. ²¹ Aheno ucho mbe nvun-zwizwi nabure wen abeu ra zi ma vonzi na ira to uffor re ahwer chekenken. ²² Azwi eta te mbere nken Gailili, Yesu she ebachen'mbo, Imba -eyen'uhwe era mbe ke agbu eyen'uhwe, ²³ Abe ebwanmba, uken na to ita ara shi yun. Ebachenmbo vozwi ikube kpo ne. ²⁴ Eten na ebo kafanahun, eimbaeyen, kpekpo eshi'e ashouji ebo azwi mbe Bitilisu enyona, "eyen hwan-ambimne yon na eti kpa eshe asho'uji?" ²⁵ Ibu nyo na, "Ino-mbi." Azwi E Bitilisu ka si nken ikpima,Yesu nyo aken redo ghagha ne nigi, "ambi utku ma ekon Simia? Eba-uhwe ba efu'uten, fenn eba ra kpe ashouji re effen ika? Azwe itken mbe fenn ambe ebakken bara? " ²⁶ Ate Bitilisu nyo, azwimbe ekken, Yesu she yon na, ate be-uswi ebanzi'azwi na kpukpa. ²⁷ Inoma iti ve-aken ke ya eba kpe ashouji voambizwi-zwi, so ugi-kagi, uta igbesa ke uve mbe igyu na kaiswen. Mke na uma fkoto ahwer mbo ura de asho. ubun mbe kpa ke ba kpe ashouji ena re du."