¹ Aze Yesu zwe aken, ayun Galili aka so azwi ekeyen na juda e'yen ug ugi na jouda. ² Imba'eyen tkuho ne bwere, adake kpe'u ana. ³ Falisiaya bra ebo azwi mbo embo'a de, eshe nyo na , udon kpe idno na eyen'uhwe akokpu re ugho etki edan ugyen?" ⁴ Yesu kpe'idno anyo, "U ra kpen'wa iba ibu eyen na mo'abe ikyu'ikyu ma amo kpe'u ebidzun re eba-indo? ⁵ Ibu eyen na feu mo'a ma aghan uchi nyo na,etki aken eyen'uhwe ra to atta re aya ara bin re ugho, abe ifan ebo hwe ibi'ugyen'? ⁶ Ino wen ekya hwe ifan, to ba ibi ugyen." ahwe-re ino ambi na Uken-chan kpu bin re udidi, eti ke eyen ugyen ka mu." ⁷ Abe eshe, nyo na "ekon voasi Musa she nyo, eke ufka na'kuko ke e dgan to'u?" ⁸ A nyo ke, "etki uswen ikube Musa ke ne eni kou re eba-indo bra, ahwe ino ikyukyumbo afu hwe-ino. ⁹ Mna nyo ra ke'u, eyen na ma koto re ugho, m'ama voa ena abun a zwe umi-itan, aka ban ena ugyen, a ra ban umi asha; re ebidzun na maka ban Imba-indo na udzunmbo ko re umi-asho a ra ban." ¹⁰ Ebache she Yesu nyo na, " nke na hwe aken me ebidzun re ugho, asi na ke ban udzun-bam." ¹¹ Ate Yesu nyo na vo eyen kata ra kpe'idno re ambi hwuhwan, eyen ckika ne e'ra kpe'idno into. ¹² Eyen ba ugyen te ba fu'uzwi azwi idi-imba mbe ayya mbe, eba ugyen eyen'uhwe tobighan-kpu'e asi, eba ugyen vo-etki -gye etki me Idi-akpo. Ibu eyen na ra kpe-ka ambi hwuhwan wen, akpe'mbe. ¹³ Ekpu ishosho ebe ski'share efu kpu-bo azwi'o ka zenre agbu etki na ara to ufor, ate Eba-uchen dne aken . ¹⁴ Ino Yesu she,"ke ebeski-sharere, nite gyo'mba na ebo azwi mi, idi akpo hwe-me ucho me." ¹⁵ A mbe agbu zen etki'me ishoboski sharere, ayun to azwi mu re. ¹⁶ Ute-bun, eyen-uhwe bo azwi me Yesu anyo, eyen hwan'ambi, ambi sisi ekon na nna vo ken ndzu idi na tsu-tsu?" ¹⁷ Yesu she nyo na, voe ne ura kan ambi na isi? Ugyen mba ena isi, nke na ura don na u ra ka nken ugyon, udgen udon." ¹⁸ Eyen wen she nyo na, udon na ni?" Yesu she nyo na, "tu bwan wa eyen, utu ban wa umi'asho, utu zwiwa'uzwi'e , utu nyo aken-etki ambi na ude wa, ¹⁹ uke atta re aya'a-mbu effo, u chon eyen'idi atko mbu ze na uchon etke'kyu." ²⁰ Imba-befken she nyo na, "ambi ten nche swe re. Ambi na dan hwe ma ekon?" ²¹ Yesu she nyo," nke na uma ra chon na ura hwe ebgan, so, uka kpu ambi ba ute re do, kpen-ji ke umbe koke eba dzudzu, ura hwe re udzum nken akpo; u bo ubeu dzun." ²² Azwe befken wen fkan ambi na Yesu nyo ma, ayun azwikan re ikube vo-zwi'zwi, etki na adzu-ambi te agbu. ²³ Yesu she bachen, "uzwen-gibo mna nyo ra she ene, ara hwe re ekan eyen dzu ambi a ka nken idi uhwe na akpo. ²⁴ Ufyi mna nyo ra she'u, ara gyen-igi ke uyon ara enuswen ubgengi re na eyen dzu-ambi aka nken idi-uhwe mbe uken-chan." ²⁵ Etan na bachen efkan ino, ete ra kpu etkan nyo na, aban'mbi na ra dzu ena fkazi?" ²⁶ Yesu de enegyi so azwi-mbe a nyo, "azwi mbe eyen-uhwe ara ahwe re ekan, azwi mbe Uken-chan ambi kata ahwe re ekan." ²⁷ Ate Bitilisu kpe-idno a she nyo,"de, abi ito ambi kata i ra ibwe-ru. ekon ita dzu?" ²⁸ Yesu nyo she na, uzwen igibo mna nyo ra she ne, nken mbe egyi ifi eten na Imba-eyen'uhwe ra hwe tkiazwi-hwe'uhwe mbo na kyikye, abi ne eba e ne ba'ame e ne hwe etki azwi hwe-uhwe ebo-tki-fan, e ni kpen ehwan me eswi bo'tki-fan mbe Isuraila. ²⁹ Kata mbe eyen na to ikpi'e, udi, enani, atta, aya'a,shoboski, fenn iki'hwe etke eben mi, ara dzu uhu itkun idi ifki ne ara ji effen ugyon na tsu-tsu. ³⁰ Ino eyen ifki ne eba fu te ba ka iswen era te ba nkwen, eba nkwen eba hwe ba ka iswen.