¹ Inone nyihwa ambi me Uketsa, zua muskin istumu. ² Nyiki ikin mitsu, afdina Kiristi atsu ambe iskimu kee,Imbe tan-ihwe haisi mu Uketsa. ³ Nyohwe mba, de ambi ba iyibi me nakofdi ko kama nken bene, asima afdi miskin mu Uketsa. ⁴ Iku nyozu ambi ba Isa'a. Ino nyivo ambi ba ira hunfgu ke Emo. ⁵ Kekena uyi nyohwe mba, iyen atze, iyi-nde, uwon nyowhe na mban kade afdi idi me Kiristi de Uketsa. ⁶ Nyohwe nayen aku ghaba de nuften Iska, iskine uhwun mu Uketsa rabo iskimi ba hunbe iski ikuwe. ⁷ Ino ne ku sefon iski de ibe. ⁸ Ukpi uhwe tsufu, ndine uhwe afdi ugha, me Emu, kinkin hwezua miski me ugha. ⁹ (Avan mu ugha mba nasisi, suhwe-ukeh de ufden). ¹⁰ De vo-ambina ara vosi kumbe me Emo. ¹¹ Kumbe afgu sguma afdi ambivo mu utsu'a, sai ufkoto be. ¹² Ahwe ambi ba iyibi unyozu ambi ba ivo uton. ¹³ Ino ke ambibaram ma fkotore ugha ira debe. ¹⁴ Ke ambiba ima dedube hwe ugha. Inone anyo "fanzu afdi adi, fanzu afdi uhwefu, Kiristi ra keh afdiu." ¹⁵ De isine afkan ikin vo afdi usko'a ino ingha. ¹⁶ Vo ambivo de ufon kekena ukin hwe ifdi. ¹⁷ Inone kuhwe usko'a, ke ukoyi ambi na kumbe me Eno. ¹⁸ Ino ku vo ambina ara ku ura ften ke vo ambi ba ra vofdi, hwena ufgha de nvon na ukeh. ¹⁹ Nyoken de iyibene, uken de nvon uken de uvon uken basisi to uken ba ira mbe naisi bo afdi Emo nken kumbe ben. ²⁰ Uhwu-afgu, afdi na una du-iski, iben me Emo Kiristi Yesu bo Uketsa de Attah. ²¹ Nyihwe sisi de nyosken bene afdi Kiristi. ²² Uwodi nyise iski ikuwe ke udonbene afdi Emo. ²³ Ino Bamidi hwe iski me uwoidi afdi Kiristi hwe me afdi fuski me Emo, de nyoskemu, inyefkaza me iyi. ²⁴ Ino afdi funski me Emo hwe me Kiristi ino ne nwoidi afdi Bamidi afdikowani ambi. ²⁵ Bamidi tsun uwoidi afdi Kiristi atun afdi funski me Emo,ambe iskimu ke. ²⁶ Avo-ino ke afteke, a sake de nuben sambi afdi akenmu. ²⁷ Ivone ke ambe afdi funski na itzo, vode ifkun, ko atze ko ambinanye zua ane. Ino ukeh de yema kumbe. ²⁸ Ambi unye Bamidi ra tsun uwoidibe hwe zua iyibe. Inyena ama tsu uwomu tsun iyimu. ²⁹ Ko nyohwe ka, na ase iyimu, ino aha kya aha de hwe afdina Kiristi kya de aha de afdi funski. ³⁰ Ike na abi ihwe iyimu. ³¹ Ike ma akenbane, baidon ra suto,inamu de ayumu, ara babun de nwomu, keibe ifanne ira hwe iyi unye. ³² Afden na utun me ufden hwede ike, inonha nyoken aken iskime Kiristi de afdifunski. ³³ Vo-ibu buba, abene nyira tsun uwo be ni hwezua iyibene, ino uwoidi ra ke itzo afdi Bamidi.