¹ Nha nyo ae inye tsu'me Emo, nha tsu nyi kikim na ukeh na ntan afdi ita nyi. ² Nha tsu nyihwe de iskido de iskidon de kumbe nshe de nyoske bene itsu. ³ Nyivo na isi na nyike zuhwe udi me nvon ahwa me sekumbe. ⁴ Iyi unye de nvon unye hwe zua tanyi bo afdi kumbe unye. ⁵ De ino ihwe de Emo unye, ufde unye,nvon unye. De uketsa unye de attah me ambiba ra nahwe iskimi ambibara de afdi ambibara de ambibara. ⁷ Ko nami afdibi naisi imbe kiri afgume imbomi ambike me nvon. ⁸ hwe ufka unye na nyo, afdi aka sko re-akpo, ambe ufdi so afdi ambivo ake ambikeke afdi mayin. ⁹ Iski me aken askore ango? Iha tsona a subo nken afdi-usgu na kuwe. ¹⁰ Ibu na isubo hwe de nyohwe na aka sko, na ara sefgha ambi. ¹¹ Kiristi ke bayen hwe uhwe banye hwe butse banye abanyo akeme. Emo, banye hwe pasto banye hwe bahwa-ambi. ¹² Ake ambi bara ne ke ake ba ukeh me Uketsa ikefiyime ambivo na ra taka iyime Kiristi. ¹³ Aha vo ambibara na taka iyin ke aka mbo iski-itsumufde me Imba mu Uketsa na, ira fden afdi umbo me Kiristi. ¹⁴ Kiristi tasko akestsa ke iku hwebe miski ba zude nufun me afta ma atsefazu afdime uyo me udonme mayin ba ingha. ¹⁵ Koino nyoken mu ufde me itsu na ira kezu afdi mu ufin mu na ahwe iski ahwe Kiristi. ¹⁶ Kiristi ta - iyi na a befon dudi na ambi tsebon kena ike nani vo-ambi dudi na ake iyi fanzu ata nyoske-itsu. ¹⁷ Ino ne nyo te kumbe afdi Emo nyo nyira vomaambivo afdi ba iyibe Emo ihavo nkenkumbe. ¹⁸ Iha deyibe afdi na koyibe, na hwe ike akeme Uketsa Iski usko nahwe iyibe iskime utzo kumbele. ¹⁹ Ihwe ba iyibi, imbe nyoskebe ke usko iha vo ambiba isibe de iyi-nde. ²⁰ Ino votire nyi hwa iskime Kiristi. ²¹ Nha de nyo, nyifka akenmu a hwanyi afde afdi Yesu. ²² Ihwanyi nyisuto ufken na ukpi, hyibe nyohwe na ukpi tabin. ²³ Nyihwa nyo, nyi sake nvon me utusku. ²⁴ De kenyi mbe nyohwe ifi mbe se na ivo iyi me nyohwe me ufde naisi de ukecho. ²⁵ Inone, Nyibe idofi sekuwe, nyishe udi ufde ikena ihwe udine nyoskebi. ²⁶ Uskouhwu ku vo ifdi. Ku ke uhwu akpukin. ²⁷ Ku kewa shetan ufin. ²⁸ Inyena ama hwe ufdi aku fdima ufdi, ino ara vo ambivo de afgumu kena ara koto keba idube. ²⁹ Ku mbe aken ifdi nyoanuften wa, nyo aken naisi na ara si ba istu kena aken rake naisi afdi ba ifkan. ³⁰ Nyiku vofdi ma nvon ukeh mu uketsa ikena ahwe-ibu ikiken afdifkazu. ³¹ Nyibe se abin kumbe una, halasa de uhiwu de tsutse, de ikiski de ambibara nafdifdi. ³² Nyihwe de na-isi dudi, nyihwe de kumbe shishi nyisuto idan de hyoske bene afdina Uketsa Kiristi a suto kenyi ne.