¹ Ufinane a m, Bulus Nhwe inye tsu me Kiristi Yesu bo afdime bayibe Emo. ² Nha konyo, nyifkan ambivo me aji shishi mu Uketsa imbe kummbe kenyi. ³ Nha ba ufin me udah na nyi. Nane ufde na ntun na tsukani mba kanyi. ⁴ Ke nenia kpere iba, nyira voka koyi ifumi ufde na mbe tun iskime Kiristi. ⁵ Afdi ufon nanyi, ufden iyibe afdi Imba me nyohwe. Ino ne, ndine ifko tso afdi nvon so afdi ukehme uhwa de butsen. ⁶ Ufden na ntun hwebu ba-ikpebe Emo hwe itsiski de ba ba-iyi, ikoto iden ifi nken Kiristi Yesu ufime aken mu. ⁷ Ke nhwe ufti akeme Emone ike me Uketsa afdi na-isi na imbe kumafdi ambivo me ikefiyi. ⁸ Afdim, kona nhwe na tsika ifume ba ukeh me Uketsa,natsi imbe kum ke nyo akemu afdi ba-iyiba ambi udukaba itzo me Kiristi. ⁹ Ke mbe afdi-ukah ke manyi mu Emo a na tuhtun ufden mu uketsa navo ambibara. ¹⁰ Insha ne ike iyi afdi funske me Emo, ino inye defde de iko afdi akporabo bayi afdi hwehwe me ingha mu Uketsa. ¹¹ Ambibane vo ufin me ingha nke na iba a Kiristi Yesu Emo bi. ¹² Nken Kiristi ihwe de iyinde de ufin de ufde ikemu ufde mu. ¹³ Inone, nha fgu nyi nyiku yebe kumbe iskeme ikan na nvo ke nyihwe de itzo. ¹⁴ Ino nenha se tukudun ikuhwe afdi attah. ¹⁵ Afdi ibu na idiba akpo de afdi-kaye ita-ibebe. ¹⁶ Nfoufo nyo ara kenyi ufin me itzo mu akpo na nyira du nvon iyi de kefiyi ufin nvon na ahwe iyibene. ¹⁷ Nha fanfo nyona Kiristi denyi hwe dudi akumbe afki ufden mi akpo de utsime itsu mu. ¹⁸ kena nyira voka de na koyi de manyi,ukeh mu Uketsa, Ango hwe usgun, ngha, igun de itzo. ¹⁹ De iyi itsu me Uketsa na a fanzu ubmu,ke na nyira tsiken de na-isi mu Uketsa. ²⁰ Ndine afdi nyowe na avoka vo vanzu de ambi ba ka fgu ufin me ikefiyi na vo afdibe. ²¹ Nvon hwe-amu de afdi funski me Emo de Kiristi Yesu so afdi na so kuften na tutu de natu. Ahwe-ino.