¹ Ino fdibene nyiti fure afdi ambi Isa de ifdi. ² Afdi na ukpi nyivo ambivo askime iyime afdikayi. Nyihwe de-unyo afdimi ihyi sge ike me uyo, nvon na aha vo ambi vo afdi imba me Iskike. ³ Unye ihwe afdi mayin barane, ihavo ambi ifdi me iyi de iha mbezu itsu me iyi de na kumbe. Afdi hwebe hwe ambi uhwu ike me manyi badan. ⁴ Ino Uketsa hwe itzo afdi shishi ike na itsu haskuho na itsu bi. ⁵ Ukpi ifure ambi afdibi, aki ifanzu dudi afdi Kiristi afdi itsumu na Isge. ⁶ Uketsa tashi ifu dufi de Kiristi de Uketsa ke Isuhwe dudi idina akpo nken Kiristi Yesu. ⁷ Afdime iyi na-ibo mu, ara tsu na-nbomu a it zo na skuho mi naisi mu ra tsuzu ajishi afdibi ufime Kiristi Yesu. ⁸ Ikemenaisimu idu nafkazu afdi ufden de nane boma ufinbene hwe ambike mu Uketsa. ⁹ Voafdi ambivo nyohwe unye a ra ndeyi. ¹⁰ Ikena ihwe ba ambivo mi Uketsa na Imue ufinme Kiristi Yeu ke ivo ambi isi mu Uketsa avo tzare ufon kena ira kikin iskimu. ¹¹ Inone, nyikobon ukpi ihwe ba vo ambi ifdi iyi nyiha tan "ba-itta sakema" afdi ba "Isakerebe" afdi iyi na ivo de afgu. Ufon nanu ikoto nyi afdi Kiristi ba-iken bo nke Isra'ila, ba - iken afdi nufte yey me nufte ifi na nyika de kumbe de Uketsa ka'a afdi kayi. ¹³ Hwe-ino afdi Kiristi Yes ubu na akpi uhwe tza-ufin Uketsa, imbe bo ike afdi me iken me Kiristi. ¹⁴ Ahwe kumbe se-kuwe bi, ambe ifan hwe unye. Afdi iyimu avofdi kuften na akotoyi de udibi. ¹⁵ Ahwe nyo hwe na avofdi ihwa na ahwe ikpo de aden-ifi kena ara mu nyohwe ifi afdi nyosken mu, na ake kumbe sekuwe. ¹⁶ Kiristi ke zuhwe udi me manyii afdi iyi mu Uketsa ufin na wan-ken ambe kufte afdi ifu. ¹⁷ Yesu bo anyo aken me ashe na-isi me sekumbe afdi ba uhwe tza-ufin de ibu de ba ihwe ike. ¹⁸ Ufin me Yesu na abi ihwe de ufin unye nvon me attah. ¹⁹ Inondine abene ba-yima Uketsa whema aba-iken afdi ken. Ike nyihwe bauten de Uketsa manyi ba ukeh, de miskin ba idi me Uketsa. ²⁰ Itanyi afdi utsime ufti de uhwa de Kiristi Yes de nyo skemu hwe akeh naike. ²¹ Afdimu iyime isun bin dudi ikesko hwe zua Nvon isu me Emo. ²² Ahwe-ibu na itayibi dudi afdi uwhe mu Uketsa afdi Nvon.