¹ Bulus uhwa mi Kiristi Yesu afdi itsu me uketsa, so mayin ukeh mi uketsa Afisa mba ihwe de ufde afdi Kiristi Yesu. ² Naisi afdibene de sekumbe uketsa attah de Emo Yesu Kiristi. ³ Ke uketsa de Attah me Emo Yesu Kiristi ivon, na avo naisi afdi nvon naisi afdi akpo me Kiristi. ⁴ Uketsa vonzu bo, afdimu afdi utsi me afdi kayi, de na ira hwe de ukeh de ira hwe de itsu afdina ira yema kumbe. ⁵ Itsu me uketsa ambete afdi imba, afdi Yesu Kiristi, afdi itsumu naisi. ⁶ Na ikpe bi, zubi na ivon ibemu afdi vosimu na aki ufin afdi itsu unye. ⁷ Afdi Yesu Kiristi idu nafkazu afdi iken mu de na asuto ki ambi vobi na ifdi afdi itzo na isimu. ⁸ A zemgha naisi afdibi de naiyimu de nako yimu. ⁹ Uketsa ke iyi afde me itsu mu, afdi amina ara tankumbe,de na a tsun ikemu afu Kiristi. ¹⁰ Afdi na idemi itsu mu ufon, ambe ambi bara fundudi, ambi bana kpo de afdika yi itsi-iski unye de Kiristi. ¹¹ Afdi Kiristi ifanzu afdi Emo, batze ifyemu afdi ngha mu na vo ambibara de ikeme itsumu. ¹² Uketsa fanzu ihwe atsi-iski ke ira abi ihwe na ka-iften na hwe de utu afdi Kiristi, ira hwe von ibemu na isi. ¹³ Afdi Kiristi, ihwe ufi, kena uma fkan re akemu ne ufden, aken me nafkazu, ukpido afdimu de itebore de nufte iye nvon na ukeh. ¹⁴ Na hwe ufin me ifyebi, afdina nafkazu me afdi kpebi, so afdi von ibenmu na isi. ¹⁵ Ikeme nasku utune, afdi nfkan aken me ufde bene afdi Emo Yesu de itsu me ukeh bene afdi Uketsa. ¹⁶ Nta sehwema, hwe-afgu ke Uketsa iskibene afde nkpenyi ufoufo mi. ¹⁷ Nfoufo nyona Uketsa me EmoYesu Kiristi de attah me naisi are kenyi nvon me ingha de udah afdi nakkoyi mu. ¹⁸ Nfoufo nyo ajime kumbe bene rahwe de ugha, ne nyira yi itsume na atanyi de itzo meifyen na isi nken me manyi ukeh mu Uketsa. ¹⁹ Afdi ufoufo nfgu nyo nyira yi de ambi nahwa itzo me ikefiyi afdibi ba ise-ufdeni. Ufime ambivo me ikefiyime ambiyimu. ²⁰ Nane hwe amu-unye de ikefiyimu Uketsa meambivo afdi Kiristi, afdi a tsashia afdi uhwefu, ambe su hwe afgutze afdi akpo. ²¹ Kiristi suhwe tza-ufin afdi nade, de ikode ikefiyi de zuhwe de iben na itan. Kiristi ra sgen vo-ino buba afde iyine hwe ufi afdi iyi na arabo. ²² Uketsa ambibara mbete utsi-afka me Kiristi ambe ke afdimeba funski ke ahwe isiki afdiambi. ²³ Afdi funski muketsa,hwe iyimu de na zenfgha ambibara.