² Ke atzo afdi inau de iyau {Ahwe ikena kaften na iyenuften}> ³ Ino ke ura hwe isi ura mbe ufon afdikayi. ⁴ Ina, ku fofdi miskin bara kumbe na arakebeuhwun. Ino hwa be iskido kuwe de ufin me Emo. ⁵ Uffi seski ke bami-idi afdi iyi de itzo mekumbe. Kebe itzo afdi na uha vo a Krisiti-di, de ambe hwe akpo. ⁶ Kuke itzo afdi nabami-idi aha deu, ke u Vosikumbe, Ina uke itzo zua uffime Krisiti na avo kumbe mu uketsan nken kumbe. ⁷ Vo ambi ke de kumbe hwe zua uha vo ke Emo vo nyohwea. ⁸ Ino iyoambi na isi na nyohwe ha avo ara kpe afguihwan afdi Emo, de ama hwe ufti de vo ufti. ⁹ Bami-idi , hwa ufti ufin unye. Ku tsebonba, uyinyo nyohwe na baimidi. Afdi de ike. ¹⁰ Nhwen, hwe de ikefuyi, afdi Emo, de ikefiyi me ikumbe. ¹¹ Ke ura sehwe iskimi, ufin me shetan ¹² Ke ivo yibi hwema iski iyide iken. Ino hwe iskime ikoki, de mulkoki de utsu de ambi ba utsu hami-ifdi akpu. ¹³ Inone, seh tukno mu uketsa ke na ura sehwe ambi ifdi hane, Ke uma vofdere ura sehwe de ikefyi. ¹⁴ Sahwe de ikefiyi de utze na te shuhwe umbe tukno itzo me mu ukeh. ¹⁵ De afkau sehwe de ike afdi aken me kumbe sekuwe. ¹⁶ Afdi ambi ba ira du, tsiken iyi de ufdenna ura boden aden me uketsa ¹⁷ Mbe mbwe-iski me na fkazu de ufgi me Nvon na hwe aken me Uketsa. ¹⁸ De kowani uforfo de ufgu forfo ku ufon nani. Afdi nhwe ehwe de ike afdi ikan, afdi aha forfo ke manyi ba uke me Uketsa ¹⁹ Forfo kum, nyona aken ra zubo anuften afdi mmafkoto ufka. Forfo ndu ikefiyi me ufden na uton me aken me Emo. ²⁰ Iskimi aken me Emo hwe ibu, item de utze asho kena nna nyo de ikefiyi afdi ishem nyo. ²¹ Tikikus, udi-itsumme ufde me ufti me Emo, ra she ambi baram, kena nyira yi afdi -nhwe. ²² Iskun ba, afdi-hwebi de ara, sebon nyi kumbe. ²³ Se kumbe de udeim bara de itsu de ufden afdi Uketsa de attah, de Emo, Yesu Krisiti. ²⁴ Nasisi adebe hwe ba itsu ibu Emo Yesu Krisiti de itsu na tuma-itu.