¹ Ntiga, wurr nbong nan? ukpeyor nnene ngor abebeh-abaga nogor igarcia iba? ² Iti-tenghe jol-nnor. Wurr mba ukporlor abebeh abaga, nanor utenghe kpeba nene ngor ating. ³ Won tegem-Ayim na feb mba iwuror alip ne Christy, iwuror alip ngor iku teh.? ⁴ Mbor kaga wurr ndege nene shang ngor uwuror alip yel ngor iku. ijolor na, nogor nna Christy nyemor jok shaga iku ngor ntige Ishor nogor wurr umalba jeneh ngor ikpen nfemfe. ⁵ Tep ijolor ube fenghe ba jol njereng nene ngor nfongho iku-teh, ubangha ba jolor njereng nene ngor nyeme jok idi gbol. ⁶ Unyinyi nta, nna nkokolo nenom were, mbo kome laga ite nene nogor ifeleh ngobji iku runghor. Ntingha, ijolor nogor utikpe jol ajo ka ibebe ibaga. ⁷ Nne nyor bekpor, bukor nogor gara nne iku. ⁸ Njolor ube kpor ne Christy, ukpe ntama wurr arre ubangha ba nene neneh. ⁹ Unyinyi wurr arre, tep ne Christy bu nyeme ngor iku, anim ma-kpe kpor, iku ikpem-kpe ikor ngor anobji ye. ¹⁰ Gara neh iku nti akpolor ngor abe-beh abaga, akpolor igorl njereng ka waa Jolibebinan, nti anenor nene ka Ishor. ¹¹ Ngho mkpayor bangha yen-wun iji bene na wun be kpor ngor abebeh abaga fenghe be-nene kaIshor shang-ngor Christy. ¹² Tep, nenor, kawun tama abebeh ijunikoshenghe ngobji nyi yobol. iwed-ka wun fenghe ne nterr cono ngor abodo nya ikagalo kpe ifan. ¹³ Ka tab Ajarr ngobji yaka abebeh abaga, fenghe jol na abubodor nya ireror ka ibeneh. Tab wun ijibene tep Ishor nna ane mba ibe jok shaga ikuba ikpen, tab ujiba top Ishor na ane mba ibeh jok Shaga iku tep ikpen. ¹⁴ Ka tama abebe abaga ifon ikor ngor ngobji ya, tep wor arem ka ibeneh areh igracia. ¹⁵ Nan nor iwedor ka ukpe ba leme abeb abaga, nji ikpen tire ika reror gara ne ibene, ireror gara ne igracia. ¹⁶ Wun yim arre wun tabor igibene na ajo, wun ajoya ka nyor wun kpelor nkaga ka? Wun rae ajo ka abebe abaga nya iyor wed-ka nne kpor afi ajor ka ufonor nkaga nyi yor wed-ka nnogoruyeme dedede. ¹⁷ Ken igafor ijol ka Ishor wun jolor ajo ka abebe , wun bu fenghe fun nkaga gbeb ngor ntama ka nkpele nyi mbor kalor wun. ¹⁸ Mbor bu bag abebe yine, fenghe laem wun ajo ka nnogor. ¹⁹ Mkpe bongho, na nenom tep ne na ngobji yene keror. Tep na wun tabor anne bine teb na ajo ka abaga nya ika welor, ne tifun nkaga ka ibene iwedor ka ibene ikpelor rungho shong mbog-mbong. Tonor nor, ntiga, tab ane ba teb na ajo ka mbaga, nogor ijoro wun. ²⁰ Tep nji wun jolor ajo abebe abaga, mbaga jolum kawun. ²¹ Ngho igaranti ba nshele wun kumor fun nghor abaga nya ilela ibe wun lem ndon? Teb nti iyor jok nghor abaga nyangho, ikuti. ²² Ngha ntiga nji ibe wun yige shaga abebe abaga fenghe lem wun ajo ka Ishor, wun kpe nsheleh nji ba wuni rogo nyi iba jogo ikpen nti ika kpelor ikukulor. ²³ Nshele abebe abaga, iku, mbaga Ishor, ikpen nti ika kpelor ikukulor.