¹ Afi wun, ba-ngbanyen jama ( Nkpe bongho ka ane mba-inyilor ibeneh ) na ibneh ti iyoteb na ne ba-nene ikpelor ikpen. ² Ibeneh ti iyor bom nenkal ka nome ngor igara-nti arqro ikpen, nom fengho kpor, ibeneh ibal iyomkpe. ³ Tep igara nti nome reror ikpen, akpelor nene-ne nenom-nyondege, abu-lam ibebeh ibaga. uyomarri , igolor mbe non be por ibeneh fonor kpeme bob. ⁴ Gara nghor, ba-mbanyen-jama, bangha kpolor ibu lemeh sheng ngor ibeneh tebeh ngobji Christy. Ntinga, irenor nogor shumor-ne atem nyor weh nyimor iku, nogor wurr umalba tunghor teh shagi ka Ishor . ⁵ Igara nti ujolor ngor Ngobji, ibeneh, iyol shime itun-tunor ntobor ulemeh abebeh abaga inyor nji anebire iba tungho amogo iteh iku. ⁶ Ngha ntiga ibu yangha shaga ibeneh.Wurr ntiga irena, nogor wurr amali shumor ufu ufenfe, kpe tonor nkokolo inyonor . ⁷ Uba bongho nan ntiga? ibeneh fonor , ibebeh ibaga-jie? iti jiol nor meh nyolem fenghe be nyige ibe-beh abaga, ken mbe ishenghem ngor ibeneh tep, nyolem ba-nyige nti ika konor isheghem mbe ibeneh ibu-bong. Ka tenghe lam ibebeh ntobor. ⁸ Ibebeh ibu fenghe ngo ikor nti ibeneh ibongho ko ntobor nyi ka-konor bakame. Tep, ibeneh ika jolor,ibebeh ibaga ibu-kpor. ⁹ Ngor igara-ntireng njolor-ikpen, shaga ibeneh , igara-nti ikor ibeneh ibalor, ibebe ibaga ifenghe kpe-ba fun ikpen, me, nfenghe kpor. ¹⁰ Ikor ibeneh neh ilagor nogor ikor ikpen ba ifenghe jolor iku kame . ¹¹ Tep, ne ikor ibeneh, ibebe ibaga, ishengho nime tugor, sheng ngho iko ibeneh, iyol-meh. ¹² Tep ibeneh iwuwele, ikor-te ibangha weleh, fenghe jol dedede, fenghe nob. ¹³ Noyor iwedoka ijom nji inobor ifenghor jol iku kame? nogor iti jol nor. Ijol ibebeh ibaga nogor ijol mbe ga-lem ibebeh ibaga nogor ijol mbe ga-lem ibebeh ibaga-ji ikolor iku ba-kume. sheng ngor nti ikonor, ne-kpe-sheng ngor ikor, ikor ibeneh, nogor ibebeh-ibaga shengbe na ne malba gara. Teb unyinyi wurr-arre ibeneh, ire-gara ne ufu, nji-me nreror ngor ngomji. ¹⁴ Mbor bume goro na njo ka ibebeh ibaga. Tep, nti nlemor nyim-kpekpe, nti mbesheb nogor nlem, nlemum,nti ika kormme nfenghenlem. ¹⁵ Tep, nti nlemor niyim-kpekpe,nti mbesheb nogor nlem, nlemum, nti ika korme nfenshe lem. ¹⁶ Igolor nfengho lem nti nkashebor nogor nlem, mbu-tama tugor ibeneh meh-ne ibeneh inonob. ¹⁷ Ngha ntiga ikpem rae kame nji nlemor,irac ka ibebeh ibaga nji inenor ngha ating yama. ¹⁸ Tep, nying, mene ngha ateng yama, ngha ngobji yama, inonob njendendege inenum, teb, ntobor inono irae nenama, nlemeh yi ntior malem. ¹⁹ Inonob nji mbe-sheb, numor-lem, ishenghem ibebeh nji ntior-sheb ji mbe-lem. ²⁰ Ngha ntiga, nfegho-lem nti- ntior sheb nogor nlem, ikpem rae mefonor mbe wet, ibebeh nji ireror angha ateng yama ji-ibe-wetka. ²¹ Gara-nghor, mbu-yen ibeneh nta, igara-nti nshebor nogor nlem, ibebeh irengho nenama ²² Nkpe uyebitem ngor ibeneh Ishor ne-nenom byor ateng. ²³ Nfenghe kpe nyene ibeneh ntendege ngor idi anebama. Iyor Itemtama iyor bob-ne- ane bama. ²⁴ Mbujol nenom nyor kakpelor uyebitem! nyonor bame nogor shaga ngobji iku nyingha? ²⁵ Igafor ijol ka Ishor sheng-ngor mbeng Jesu Christy.Ntol wuren, meh fonor, nkpe rogor ibeneh Ishor neh ntobor yama. Ngor ngobji, mkpe rogor ibeneh ibebeh ibaga.