¹ Jolna inonob nlama yere reror shengor ntama, ukpe tereh neh Ishor shengor Ntol Jesu Christy wereh, ² shengor weh fufeneh, ukpe ikor shengor ntama yelgor igrasha njingor ntama yelgor igrasha njingha nji uyemor ka, fengheh yor gaba ngor ukono nterr ntigeh Ishor, ³ Ntingha nenting shang, fefene yor-gaba neh atuntunor alam yereh uyiyi na ituntunor ilam iyor kor unaranterr ba. ⁴ Unara nterr iyor lemibeneh neh, fufeneh ibeneh-neh iyor lem ukono nterr, ⁵ Ukono nterr iyom lem ndorn, tep neh ikorrishor ibubologor ntem yereh shengor inonobufu, weh mbor kalor wurr. ⁶ Na ukpelor jolikeh-kekeri-keh kekerr, ngor inonobigara Christy kpolor kanemba ikatama tugi-shor. ⁷ Tep neh iba jegeh noneh kum kpor ka inonob neh. Jolifengheh jol nor, nendege yima yongho nor akpor ka inonob beh. ⁸ Ishor fengheh tep wurr ikorr teh weh fonor, inyor nji na utekor kpeh jol abebe aneh, Christy bakpogor kawurr. ⁹ Bodongho nghatiga njilam ibeh wurr norb shengor aloeng meh, uba fonor norgor shaga uyamitem akanya Ishor shenghor idi jeh. ¹⁰ Joligaranti ujolor anebujing ukornor-neh Ishor shengor iku moneh, kpeh bodongho, igaranti ukonor, uba fonor norgor shengor ikpen teh. ¹¹ Ntingha nenting shang, fufeneh ubagereh ngor idi shenghor Ntol Jesu Chirsty wreh, tep nenan shengho-weh yor ubeh ikono-nta. ¹² Ngho fufeneh, shengho nenwreng ibebe iyelgor mfam, iku iyeleh shenghor ibebe shengha mbarr nya. Iku ifengheh yangha torbaneh waa, teo neh waa ilemibebe. ¹³ Nor ibene fonor ikumjol, ibebe iyolor gor mfam, fufeneh ntoror gum ibebe inimbajolor ngor igaranti ibene ikareror. ¹⁴ Jolijolo mbeh iku ikpebe gor idi Adam lomogor idi Moses kpeh fengheh sheng lomogor idi anemba ikalemor ibebe na Adam kafonor nkaga, weh reror nanenyor yolor babaga. ¹⁵ Nkaga fonor rem na ibebe. Jolor ijolor mbeh shengho ibebe nenwreng, febikpor, nanor igrasha Ishor neh nkaga fonor shengor igrasha nenom nwreng Jesu Christy Ibajolor ka aneh feb! ¹⁶ Tep neh nkaga fonor remna ireror ikukulor ibebe nenom wengho. Nlama fonor shenghe ngho ibebe ne-nweren fengheh kor-nronghor, fufeneh, nkaga fonor shenghe-ngor abebe feb fengheh kor nlama-inonob-ba. ¹⁷ Afi jol ifengho jol mbeh, shengor ibebe nenwreng, iku ijeneh shengor nenwreng fonor, nanor ibajolor ka-aneb-nba ikolor igrasha dole nenkaga fonor nyijolor gor ikpen shengor nenwreng fonor, Jesu Christy. ¹⁸ Ngor ikululor, na ibebe ibaga njreng iyor jen-neh nronghor kaneh feb waa, noyor fufeneh inonob nleme njreng ikolor ininob nlamaba neh ikpen kaaneh waa. ¹⁹ Fufeneneh shengor tifonkaga nenwreng, febijolor abebe aneh, Jolor ijolor nor, aneh feb ibajolor anonobaneh shengor nkaga nenwreng fonor. ²⁰ Ibebe iba, fengheh ba yibibebe yuror gor iborr-fufeneh idibebe ireror, igrasha iyor jol dole. ²¹ Ntingha ijolor inyor nji na ibebe iyor jen-neh iku, jolor ijolor-nor, igrasha imalba-jolor shengor inonob ngor ikpen-igena-igeng shengor Jesu Christy Ntol wreh.