¹ Ba-iyome ubabongho wurrareh Abraham nshu-wrenkolkol nyenor gara ngobji? ² Jolor Abraham fonor nlama shengor nleme, ayolba fonor na iwedorka ameh gaba, jolijolornor, ngor mbok-ishor shang. ³ Nanor ilomishor ibonghor? Abraham tama-tugor ishor, mbor fengheh faleh na wele-wele. ⁴ Nghantiga, kanenyor yor lemifangha, ijomji ayor kor mbor falem-na nkaga, ifengheh ray na ijomikon ngha. ⁵ Kanenyor kalemifangha fufeneh, ukorkorbulombor, ayor fengheh tama tugor nenyor yor kemunor kanemba ika reror anebishor. Mbor fal ntamayeh na ireror inonob. ⁶ Fufeneh David yor bong mbong inonob kono nenom fonor weh Ishor yor feleh gor inonob ngor mfangha shang. ⁷ Aba bong, inya ilolka anemba nleme bor karengha ibene ibehbak nemba abebe bor ibeh bolo tugor. ⁸ Inya iray shaga nenyor Ntol tibafala ibebe-jeh. ⁹ Nghatiga, ntoror ilome inya ntigha irekono aneb ayangha nenting shangha, afi anemba ikaborti yangha fufeneh? tep noh ububong na, mbor fala ntama Abraham ka-eh na inonob. ¹⁰ Nanor ifalor ka-eh? Ijolor igaranti akabor tiyangha afi igaranti abeh yangha? Ijolem-igaranti abeh yangha, ijolor igaranti akabor tiyangha! ¹¹ Abraham kolor mfonghor nyangha irenghe inonob nji afonor ngor ntama igaranti akabor tiyangha. Ntor ijolor nor, nogor-nbor lemeh ndeh kaneh waa mba iyor tama tifengheh fonyangha, inyornji inonob ibafala kabor. ¹² Weh ndeh anemba ibeh yangha fufeneh yor, mba ikabor tiyangha nenting shang, fufeneh mba iyor jengor ajarr kpadanya ntamanyi Abraham nshu wreh ngor igaranti akabor tiyangha. ¹³ Tep neh ukononyor ka Abraham neh nib yeh naba jolor Ntol mfam ibalim shengor ibene, ibala shengor inonob ntama. ¹⁴ Fufeneh, jolor ireror mbeh anemba iyor neneh shengor ibene ba-iyor jol atol, ntama bujol ikpaka-ikpakar, ukononyor fonor iba fengheh ronghor. ¹⁵ Tep neh ibene iyor kor. Unyamitem akanya Ishor ba, fufeneh nkagaka ibene nimba jolor ngor idi ibena ika reror. ¹⁶ Tep neh ntingha, ireshengor ntama, inyornji ukononyor fonor ibabodo ngho iborr igrasha fengheh jolka nib Abraham waa-itiyol kanemba iyor bomibene fonor nenting, neh mba iyor fontama na Abraham fufeneh. Weyor reror ndeh ka wurr waa ¹⁷ na iyonor, mba yigeh ndeh ka-abugor feb. Abraham jolorgor idi nenyor afonor ukono nterr ka-eh, ngho Ishor ji, weh yor ka ikpen kanemba ibeh kpor fengheh kok abodonya ika reror ifengheh jol. ¹⁸ Abatama ngor ukono nterr neh ukono nterr mbeh ibajolor ndeh kabugor feb garagor nambor tageh, Noyor fufeneh nib yaba jolor. ¹⁹ Tifeh jol ikeh-keri-kekerr ngor ntama, ataba ngopji yeh wefonor na ikpor-kpor nghal tep neh ajolor ndatiligole neh ikpor-kpor ilenghala mberl Sarah. ²⁰ Tep neh ukononyor Ishor, Abraham afijol mbeh atamum. Ikor korbulombor, afengheh fonor atunor ngor ntama fengheh ka Ishor ntigeh. ²¹ Afonor ntama malwaa mbeh ijomji Ishor beh kononyor, amalilem fufeneh. ²² Ngor ikukulor jeh, ntingha ifala shumor na inonob ka-eh fufeneh. ²³ Fufeneh, alomenya ifalor shumor ka-eh inyonim tep neh weh, nenting. ²⁴ Alome fonor inyonor fufeneh kawurr, ifengheh bafala kawurr mba uyor tama tugeh weh nyimor Jesu Ntol wreh ngor iku. ²⁵ Nenyor nogor wurr ngor abebe yreh neh weh nyimor ka inonob nlama yreh weyor-ngha.