¹ Ngor ikukulor, ba ukagubor neh Jew fonor beh fon? ² Fefeneh, ba-ijome ireror nshele nyangha fonor. Ifulor gor fel mbarr. Ngor mgbombarr wa-a, Ishor fengheh neh uyeneh amirr kaneb Jews. ³ Jolor ijolor mbeh aneb Jew mbandege ifonim ntama mern? ⁴ Tifon ntamabor imalba fele inonob Ishor tanah? Nogor nta nti jolor ikorkorbulormbi iba jolor nor, uyenishor nareror itembaga, jolor ijolor mbeh fel nenom mkpamumala yorr. Na ibeh torgor nyon, mbeh mbor malyeba taba na inonob neh ngor alome ya, afengheh win igara nlama. ⁵ Jolor ifenghor jol mbeh ashashab yereh itebe inonob Ishor, bajome umalba bongho? Ujima bong mbeh Ishor ishashab neyor tep neh abukor uyanitem mbeh konowuror? (mkpi rara nrara neh). ⁶ Nogor itite jol nor! Nghantiga nanor Ishor balama mfam fonor. ⁷ Afi jolor ijolor mbeh itembaga Ishor shengor umumala bama ibabodo ntigeh yeh, nanor iwedorka mbor meh kpe meh lam nanlemor abebe? ⁸ Nanor akabonghor na wurr ureror ba rebeb aneh na ibongho, fufeneh, na nembandege iyor toror mbeh uyor rebaneh, ulemor ibebe, yor inonob iba baga? Nronghor bor regbole. ⁹ Jolor ireror nor, ba-ijome umeh kpeh kpamumala bolo aterm? Irem nor waa. Tep Ubutorgor kpamumala bolo aneb Jew neh mba Greek, mbor waa nambor reror gor ibebe. ¹⁰ Ntingha irena ibeh yon. Neneh rem weh nobor, jol nenwreng. ¹¹ Nenwreng rem weh nyilor. Newreng rem weh yor sheb Ishor. ¹² Mbor waa ibu shebe shaga Ishor. Mbor waa ibu fengheh shere ijomjome. Nenwreng rem weh yor lem inonob, neneh, jol nenwreng. ¹³ Ulim iburibeh ka amel bor. Alebe bor ibubor nimeh uja unyor iyorb gor ateng alepe bor. ¹⁴ Anyor bor ibu rorr neh ntogo neh ishashab mbong. ¹⁵ Arabkpada bor iyor wara ijen nogor mbor yegeh along idigbole. ¹⁶ Nronghor neh akanya iregor abarr bor. ¹⁷ Anembangha ikanyi mbarr nyireor tereh. ¹⁸ Ubolishor irem gor amirr bor. ¹⁹ Nghantiga ubunyi mbeh ijome jindegendege njibene ibongho, ibongho ka anemba ireror ka ibene fonor. Ntingha ire inyornji fel nyor iba bolo mfam waa fenghe jol ka Ishor. ²⁰ Ntignha ire, tep neh ngopji nyindegendege ilam inimyebeh norbor shengor mfangha ibene fonor ngor amirr yeh, Tep neh shenghor ibene yor nyigeh gum ibebe yorba. ²¹ Nghantiga ishenghor ibene shaga, inonobishor iburibeh gbole. Ibene neh bayeneh amirr ba ijolor atensheh yeh, ²² ntinghor ijogo mbeh, inonob Ishor shengor utama tugor Jesu Christy ireka anemba iyor tama waa. Nyanghar rem. ²³ Tep neh waa ibulem abebe fengheh shideh inonob Ishor nji imeh ba. ²⁴ Mbor ufengheh shorr ngor nlama tep neh ikor teh shengor norgor nyireror idi Jesu Christy. ²⁵ Tep neh Ishor kala Jesu Christy nanonogor shengor ntamalong meh. Akala Christy na irenghe nlamayeh, tep neh afonim nkaga ka abebe nyagor njim ²⁶ ngor unara nterr beh. Ntingha waa ijolor nogor itep inonob jeh ngha igarantingha. Ntingha ijolor inyor aba tebe ijibeh na reror de-de-de, fengheh tep nayor lam ne we nji ndegendege shengoe ntama tugor Jesu. ²⁷ Ngor ikukulor, nganor ngaba reror? Ishumum. Shenghor bamkped ibene? Mfangha? Mbor ba tern fengheh bong mbeh ire shengor ntama. ²⁸ Ngor ikukulorjeh ubataba nena-moneh reror gor ntama uleme mfangha ibene fonor shang. ²⁹ Afi Ishor fonor Ishor aneb Jews nenteng ba? Arem fefeneh IShor aneb Gentiles e? Mbor ba tama, ay, aray Ishor aneb Gentiles fefene. ³⁰ Jolor Ishor reror njereng, abalamilam nyangha fonor shengor ntama nemba ikaborti yangha shengor ntama fefeneh. ³¹ Nghantiga ukpi shebeh uronghor ibeneh tep neh ntama? Inim tege ba jolor nor! Ikorkorbulombor, uba fele ibene tutnor.