¹ Ngor ikukulor wor akpem ijomji ababongho, worneh, wonji ayor lam, tep ne ijomji ayor lam gum newegor ayor lam gum ijibar fufeneh. Tep ne wor nji ayor lam, ayor lem abodo fonor. ² Unyiyi na nlama Ishor reror gora itembaga igaranti igbolor kono anemba iyor lem nkuk abodo fonor. ³ Fengheh renghe ntingha, wor-neh, wor nji ayor lam anemba iyor lem mkpid abaga-nya jol wor- ayor lilem abaga fonor. Amalba weleh shaga nlama Ishor? ⁴ Afi akpi tobor tekeh gum afang unobitem-beh, urongho igara akanya-beh, neh unara nterr beh? Anyim mbeh unobitem teh ire nor iteba mbarr ngor nyangha? ⁵ Ifengheh ray tep ne utunishi fengheh tifon-item nyangha akpi logo akanya ka-ijiba, ntingho ire ufomfo nyenamirr inonob nlamishor. ⁶ Aba gala felneh gara nlemeh yeh. ⁷ Ka-nba gara unara-nterr inonob nleme ibufdon ntigeh, nkaga fengheh yeme dedede ngor itembaga, ababo kaga ikpen, geng-geng. ⁸ Fufeneh anemba iyor tobor gum ijibor nenting, mba ikafon nkagaka itembaga fengheh fon nkaga ka ashasha, akanya neh uyamitem ubol ibabaga. ⁹ Ishor bakogor agboroakanya neh ukaga ngopji lam baka felufu neh weh beh lem ibebe, ka aneb Jew ngor mgbombarr fengheh kaneb Greek fufeneh. ¹⁰ Jolijolor nor, ntigeh, nkaga neh tereh ibabaga ka nendendege weh yor lem inonob, ngbor-nbarr ka aneb Jew neh aneb Greek fufeneh. ¹¹ Tep ne ilam-nkpa nyeeng irem neh Ishor. ¹² Na aneh feb ibebeh lemibebe tirenghe ibene, ibakpogor tirenghe ibene fufeneh, fufeneh na aneh feb ibeh lemibebe fonkaga ka ibene, ibafonor nlama shenghor ibene fonor. ¹³ Tep neh bayogo ibene shang ireror awele aneh gor ushimirr Ishor, baleleme ba ifengheh reror anonob aneh. ¹⁴ Igaranti aneb Gentiles,mba ika-kpelor ibene iba leme abodo ibene nya iyuror gor ibeneh, mbor ray ibene ka ijibor, afi jolna mbor ka-kpelor ibene fonor. ¹⁵ shengha ntigha, mborbu tep mbeh nleme nyi ibenefonor imeh sherb ibuyogor ntmbor. Ntobor bor fufeneh yor yeme ntensheh kabor, fufeneh,ntembor ibakpamumala afi ntembor mborba fonor inogor abirr kabor. Fengheh ka Ishor fufeneh. ¹⁶ Ntingho ibajolor gor ufomfo mbishor balama nleme aneh waa, garagor ijibah neh Jew fengheh bomibene fonor fengheh yor gaba tep neh Ishor. ¹⁷ Fufeneh ijilor akogor ijibah ne Jew fengheh bomibene fonor fengheh yor gaba tep ne Ishor; ¹⁸ Fengheh yi ntibor yeh, fengheh ibene ibatak; ¹⁹ fufeneh, jolor worfonor abeh tama mbeh woryor areror ntebe nwagamirr mbarr, iranaka anemba ireror gor ijingheh, ²⁰ Mkpe-kpele adamane mkpe-kpele abornsheh tekeh afengheh yigor ibene ikpid uyige-abaga ntireror itembaga, ikukulor jeh nanor ntingha ikalor ilam mbarr unenikpen tah? ²¹ Wonji ayor bong mbeh neh tinonghor neh nkal nterm, ayor nunongho neh akalaneh? Wonji alogorte iyor shaba, ayor yu-uju gor ataba akorbashi? ²² wonji ayor gaba ngor ibene, ayorm kpeh fonkaga ka Ishor tifonkaga ka ibebe fonor? ²³ Wonji ayor gaba ngor ibene, ayorm kpeh fonkaga ka Ishor tifonkaga ka ibene fonor? ²⁴ Tep ne mbenghishor buronghor ngor igorm Gentiles tep ne wor, greh deh deh na ibeh yon. ²⁵ Fufeneh nyangha kpe nshele kaa jolor afnor nkagaka ibene fonor, fufeneh jolor areror nenyor yor bong ibebe ibene fonor, nyangha ya bajolor neyo kaber-tiyagha. ²⁶ Ngor ikukulor kabor tiyangha bome abodo ibene, tiyangha jeh inim fengheh bajolor nanyangha? Inim fengheh bajolor nenyor kayangha ngor ibenibeneh yaba rongho jolor abomor ibene fonor? ²⁷ Ntingha ire, Tep neh wor akpe ibene nti mborbeh yon nenyangha, jolijolor-nor, wor atekpeh ray nenyor kaabom ibene! ²⁸ Tep nenan weh neh Jew shang kpelor nyanghaga idigbole, afifengheh jol nyangha nyi reror gor nyam ngobji. ²⁹ Afengheh ray neh Jew weh reror nenyangha gor ating, tep nenyangha ray gor item, ngor ufu, ngor nyonor yorm yurr gor idi aneh shenghem ngor idishor.