¹ Ntiga wurr mba ukpelor atonor uyime ntenshe ka anemba ibekerr, fufor wurr, uyor lem korjibreh. ² Fel ne weh yor lem ijom ji iba koro nkultek ngor inonob mbor inyornji uyebe joro. ³ Jol Christy lem ijom nji ikoror uji ber, ukukorbublom bor, na iyonno nto nyi aneba itola igbolo kono mme. ⁴ Ijom njindege nji mbor nyonor ngor njim buyon nogor ikpele wurr iyoji ibashenge ngor ubobtem ne ukaikor tep ne alom yeh wurr ubafonor ukono nterr. ⁵ Ntiga nogor Ishor ubobtem ne nkagikor ka wun ntem tem ntobor nanyi Jesu Christy. ⁶ Nogor nta teap ne ntor nyereng ne ilom ntereng wurr uba tigeh Ishor nde Ntol Jesu Christy nenyor mbring. ⁷ Fele wun atem na Christy felor wun, iyoji ibakogor Ntige ka Ishor. ⁸ Mme ba bong mene Christy mbor berlim monine Jews ngor ukumashi itembaga Ishor, iyorji ukono ayorbeh mbiakalor anebkol babreh idi iba jolor. ⁹ Fufor ka aneb Gentiles nogor mbor tik Ishor tep neh uyenimok jeh. Na iyonor, tep mme mba kaga ntige ka wun ngho igum Gentiles, fufor tome abem togor mbeng yeb? ¹⁰ Ikpebong. "Gere wun Gentiles ne aneber." ¹¹ Fufor "tik wun Ntol, wun Gentiles waa, nogor ane waa itige." ¹² Kpebodo Isaiah ba bong nrok Jesse babaga, wehji bafugor fenghe tum yeme yor breh aneb Gentiles, ngho ige-idi aneb Gentile iba fonor ukono nterr. ¹³ Nghantiga nogor Ishor ukono ntama yeneh waa, inyornji ikor wewele ufu wun ba fugor ngor ukono nterr. ¹⁴ Mme fonor fufene mbu tama gum wun agbayen bama. Mme mbutama fufor nene wun ba fono ne anonob bodo ne ukonoabaga waa. Mme mbutama na wun fefene wun memala joro atem gbe. ¹⁵ Ken mme nkpi nyonor neh ijol gbole ka wun gum ne abodo nyandege nogor mboro wun kpebodo, tep ne igracia Ishor nji akalor mme. ¹⁶ Mbaga ngha jolor mber mme njol mon inene Jesu Christy nyor mbor tomeh tugor aneb Gentiles, na ne udem mbor tabor ka ayebealom Ishor iyoji nyala aneb Gentiles mbor malba kogor, sheng ngor iwewele ufu. ¹⁷ Ngor idi Jesu Christy mme nkpe na iwedor nyo fuiji tep ne ifangha Ishor. ¹⁸ Mme nimtege nuro bong ijom-njindege shengim nji Christy belem mal ngha igami idi tep nenkaga aneb Gentiles. Ngha abodo nyo alom ne nleme iyolem ya. ¹⁹ Sheng ngor ikor ayonor ne utanikor, fufor sheng ngor ikor ufu. Ijolono, iyoji kpeb Jerusalem fenghe tum tetete jishebe bgor illyricum. Mme nyima kpetap ayeyebe alom Christy. ²⁰ Ngho mkpayor, nshebe yama renber nogor mme ntoro ayeyebe alom, ken ngor adi nya mbor nyilo mbeng Christy sheng. iyoji mme nyitiba yogor kono ngor idi nendege betogor yupitolor. ²¹ Ire na mbor nyono "Mbor ba kabor toro gum me iyebeyene, fufor mboba kabor yok gum mme iyebe nyige. ²² Nayo wedor ka iyolo tim nene feb nogor nkumba ngor idi jine. ²³ Ngha ntiga mme ikpen kpe idi idi ngha ntama nya, fufor mme nkpiyo sneb nogor nyen wun ngor nda feb. ²⁴ Mme ikpi sheb ngho igara nti mme nferor ngor spain, nogor wun kamelor ngho ijentama ntighor, ngor mon igaranti ube fon uyebitem ne atem. ²⁵ Ken ngha ntiga mme nferr ngor Jerusalem, nogor njirogor awewlw aneb Ishor. ²⁶ Ifon inonob uyebitem ka aneb Macedonia ne aneb Achaia nogor mbor kak ntubor nyindege tugor aneb akanya ngor igum awewele aneb Ishor ngor Jerusalem. ²⁷ Ay iyebebor nogor mbor lim nor, fufor ikon ji kabor fofor jolor aneb Gentiles ibe-bag abodo ufu nebor, mbor fofor ikonji ka aneb jews nogor mbor bag abodo mfam. ²⁸ Ngha igara nti mme mber mal ifangha nta fenghe gba mogorite nya ka bor, mme ba tum ngor Spain fofor mba yamayenna ngor mbirr. ²⁹ Mme nyiyi mene igara nti mme ber ba mme mbagaba ne igboro iya Christy. ³⁰ Ntiga mme mbu wun kak ikor ba gbayen bama, ngor idi Ntol Jesu Christy, fufor ngor ikorr ufu, nogor wun ba top mme ngor ndor yenne ngor idi Ishor. ³¹ Jom wun ndor nogor mme jok shaga mbor ba ka fon nkaga ngor Judea. ³² Jom wun ndor iyoji mme mbabega top wun ngor igere limeh Ishor fufor mme bodo nenene uba reg-ashe. ³³ Nogor Ishor iterr jol ne wun waa. Nogor ijol nor.