¹ kor nendegedege nyo be kerr ngor ntama, kawun tangha gum abaga ilom. ² Nenwereng ikpe ntama nogor ati ijom-njindege, newegor nyor ntama yereror ikekerr yor li nyanyiyi. ³ Nogor nyor yoli abodo waa ti gangha neyo kali abodo waa, fufor neyor kali abodo waa tilam neyoji yoli abodo waa. ⁴ Tep ishor bekor. Wor nyonor, wornji ayolam moninene nyo reror ka nendege? ngor ushimerr ada je yor aba-yime afi agbor ken ayebe lime ayime, tep Ntol malbalime ayime. ⁵ Newreng ufunfo mbring ikpeye Ifan shenge neyogor. Ne yogor fel-ufonfo ikpeye ifan gredede, fel-ne tama ntobor yeror. ⁶ Neyo gbelor ufufo, gbelo ka Ntol, fufor neyo lilo, lile ka Ntol ken akala igafor ka Ishor. Neyo kalilo, tennelige ngor idi Ntol, wefufo kala igafor ka Ishor. ⁷ Tep wurr uyom nene ka ujibrre. ⁸ Fufor nene yom kpor ka-ujibe. Jolor wurr uninene, unene ka Ntol, fufor jolor wurr ukporlor, ukpolor ka Ntol. Ngha jol unene ikpen afi ukpor ureka Ntol. ⁹ Tep nena Christy nene-ikpen fenghe kpor, iyoji, abajolor Ntol ka anemba ireror ikpen neba ibe kpor. ¹⁰ Ken wun, nan wun mbelam agbayen jine? wun fufor, nan wun me dangha agbayen jine? tep wurr waa ugbayen ngor ushimerr ite nlama Ishor. ¹¹ Tep na iyono, "ka me arong waa iba kumor, fufor alom waa iba toror gum Ishor. ¹² Ton-ngho, wurr igum-igum fel-ne batoro gum ujibe tep Ishor. ¹³ Tep nenor, wurr utikpe lam atem, ukukobulom bor wurr ulim ntobor yere nogor uti bam ntem abarr bagbayen bure ¹⁴ Me nyiyi fenghe ntama ngor idi Ntol Jesu meneh ijom-jom ngor irem nji ibarro nenteng jolor nendege brro ijom njindege na ika ibarro, ngor wefonor barem neuiber. ¹⁵ Jolor tep ne ijomlili ngbayen fon-uyamtem, ngho ijum jen sheng ngor ikorr. Ka kor ijomlili rongho neyo Jesu kporlo kaie. ¹⁶ Tep neno katama ka ijom nji ayilo na inonob mbor bong ibene gum. ¹⁷ Tep ikun iborr Ishor irem ka ijomlili ne uwogor amim, ken iregum uyime dedede, tereh ne igere ngor iwewele ufu. ¹⁸ Tep neyo rokgor Christy ngor nkpa nyo ishor yebe kogor ane ibang yebe yege. ¹⁹ Tep nena wurr ujang abodo tereh ne abodo nya iyolim ntem nefu. ²⁰ Ka runghe ifagha ishor tepne ijomlili. abodo waa ibubarr, ken ishaba sheng nogor ne li ijom njindede nji ba lime nendege gbor. ²¹ Inonob nogor atili nyam, afi awor amem, afi ijom jendegedege nji ngbaye bafonor uyamtem. ²² mtama nyi akpelor gbe ka ujiba ne Ishor. iya ireka neyor ka rongho ijibe ngor ijomji abe yige. ²³ Neyo fabor bukpor, jolo alilo iyurim ngor ntama. fufor ijom nji ika rurow ngor ntama ibebeji.