¹ Nogor nendegedege kak babrre ane mba ifulor shenge, ngha ikor ntidegedege ngor irem sheghim nti iruro ngor idi Ishor. Ikor nti irero Ishor jiyigor. ² Tep nenor nenyor negor ne ikor nti ngor, ikpe tenne ibeneh Ishor, fufor mbormba itenor tugor ibibakogor nlama ka ujibor. ³ Ba topshi ijom ten inonob nlime. ikoro wun korr nogor wuntifon ubolka neyor bimor ngor ite ikor? Lim nti inobor, fofor wun ba kogor ntigeh yeh. ⁴ Tep weh ntamitom Ishor yor ka wun ngor inonob. Wun fenghor lem ibebeh, fon wun ubol ; Tep weh jom tap nghraja ye jii. ⁵ Tep weh atamitom Ishor yor nyor jor kak nlime ashashab akanya nyangho shang, ken tep ne ntobor ya. ⁶ Tep ne ntingha, wun tege ba taga ikpanda fufor. Ngha babrre ane batamitom Ishor, mba, mba ijor brre idi igara ntidegedege. Ka fel-ne ijom nji wor akpele iko. ⁷ Ikpanda ka nenyor lagor ikpanda, ntubor ka anemba ntubor lagor mbor, ubol ka nenyor ubol ilaggeh nkaga ka nenyor nkaga laggeh. ⁸ Ka fon nene ikon shenghim ikorr ka fel ne. Tep nenyor fono ikorr nkol-tek weh buum na ibeneh ibongho. ⁹ Ibeneh, "ka nyom nkal ane, ka yol ne, ka yu-uju, ka kono amarr, Fufor jolor ibeneh ntidegedege ikpelor regor, iyob ngha ating nyangha. ¹⁰ Fon ikorr ntem-ne na akpelor ka ujiba." Ikorr ijom lem ibebe ne ntem. Tep na ikorr ire garane ibeneh . ¹¹ Tep nena wun nyiyi mbe igara, iburi ikpedekped inyoji wun be nyime ngor ilor. Ngha ntiga nogor yerere ikpedekped shenghe na ngor mbogor mbarr wurr uamor. ¹² Atu ibu-jen ferh, fufor, ufonfo ibuba ikpedikped, wurr ukana bom nfangha ijinghe ngor nkpa, fufor wurr ukana kak iwuro irana ¹³ Wurr ujen kpe-kpe, na ne njol, na igere ibomor afi itijol na mbomo, fufor wurr utijen ngor unonghor ne atem ayele-ayele, afi jen yeyeye, fufor itijol ngor nshomotigor afi uleke-allah. ¹⁴ Ken kak Ntol Jesu Christy, fufor ka lem iyaga ka nyam ugobji, nogor iba fon ntege ka abebe ye, ka ukpon ka abodo ugobji.