¹ Ntega mme mbu wun nuro bamgbanyen jama sheng ngor imok Ishor, nogor wun fenghe ne ngobji gara na weweleikpen nyala, nyi Ishor jor kor. Ngha ifangha tene ikpe ifan. ² Ka wun tonor na mfam, ken yangha wun fenghe joro ntem yenne.Lem wun na inyoji wun ba nyige inonob fenghe kor inonob nleme Ishor. ³ Tep ne igracia nji aber mme ka, mme mbong ka felne nghor igom jine: ka tobor gom ujiba sheng na ilagor, ken tobor ne imog ngor nlama, ne nkuk ntama nyi Ishor mber wun kar. ⁴ Tep wurr ukpeh abubor feb nyor ngobji njereng, ken abubor waa shang iyolim ifangha ntrebg. ⁵ Ngha mbarr nyinghor fufor wurr feb ukpeh ngobji njereng ngor idi Christy, fufor wurr ure ntem tem iji ka ntem. ⁶ Wurr ukpeh ntem tem iye mbaga shneg na igracia nji akalor wurr. Jolor ne nwereng iya mbaga reror unyene amerr, ilim sheng na iye ntama reror. ⁷ Jolor nne wegor iye reror uleme ifangha, nogor alem. Jolor nne wegor reror ka nkpelor, nogor akpeleh. Jolor nnewegor jor kak ane ikor, nogor akak ikor. ⁸ Jolor mewegor gor ka nkaga nogor akankaga neitembol. Jolor mbaga nyigor yortipane mbarr, nogor alem ne uyebitem jolor newegor mbaga nyigor yotip imok alem ne igereter waa. ⁹ Ikorr itijol nti ika reror itembaga yagabor ngor nti ireror ishashab yeme ngor nti inobor. ¹⁰ Ngo ikorr agbanyen-anne, jol wun ngor ikorr ne atem. Gara ngor ukpon, kok wun atem. Gara ngor ukonitem ka wun ten atem. ¹¹ Gara ufu, fon wun ukononterr. Gara ne Ntol, tama wun itom. ¹² Gere ngor ukono-item, bobitem ngor nyongho, fon-ntama ngor ndor. ¹³ Fon igara ka awewele aneb-ishor mba ka ikpelor Jang abrr waa nogor atep uleme anonob. ¹⁴ Yige anemba ijor yola ngor nyor inya ka fenghe tob bor. ¹⁵ Gere ne ane mba ijor gere, rerr ne anemba ime rerr. Fon wun ntobor ka fu iji ngor abarr ¹⁶ waa, ken kor ane waa,ka longho ngor ntobor ya. ¹⁷ Kagal Ikon tep ne ishap-shap, lem anonob abaga ngor mbarr anne waa. ¹⁸ Ijolor kpereng, na ireror kaa, nene ngor tere ne anne waa. ¹⁹ Ka wun gal ujibene ikon, aneb ikorr bama, lop ka wun iyaga ka uyamtem mbi Ishor. Tep iyonor na, "'Ugal ikon ireka me; mba gala,' Ntol babong." ²⁰ "Ken jolor njal beyam nne ujing wa, ka-e ijomlili. Jolor alip ibe korr, ka-e alip. Tep jolor wor ayelem na, wor abu shek akal ngon kone ngor ishi." ²¹ Katama ka ibebe ishengha, ken shenge ibebe ne inonob.