¹ Mme ba bong, Ishor titen anebe-e? Ititege jolonor. Mme fufo me ne Israel yor. Nkundege Abraham, ngor itulor Benjamin. ² Ishor tenim ane be, mba atogobor nyi wun nyim na alom ye ibongho gum Elijah? Na agoro Ishor gum Israel? ³ "Ntol, mbor buyel bayen amerr wa, mbor bu wa ikpokoro yala nyala, mme mbu shaga nenteng fufo mbor kpi jangha ikpen tama." ⁴ Nan mfangha Ishor ibongho nene? "Mme bukoro aneblom itaujen irimini mba ikabor tikumo arong ka alok ite." ⁵ Jolo ijolonor, ngha igara ntingha fufo arurogor ibushaga tep ne igrasa. ⁶ Ken ifengho jol ngor igrasa, ikpem re ngor ifangha ngor, nkpa nyigor igracia inimkpe jol igrasa. ⁷ Ba ijom? ijom nji Israel ijolo jang, mbor fonimmba iyegor bor ifon, fufo mba ishagor ifonor ituntulor ntem. ⁸ Ibangha jolo na iyonor: "Ishor bubor ka ufu ukele, amerr nya mbor yiti ma nyen, fufo atong nyonji mbor yiti ba yogo, re ngha ilela." ⁹ Ngor David babong, "Nogor ikpokoro mbor ijol nwam ne ukuja, fenghe bambor, kak bor akanya. ¹⁰ Nogor amerr bor igbor bor ijinghe fenghe lim mbor tikpe nyen, fenghe gudor mbor ajim shong mbok-mbok." ¹¹ Mme fenghe babong, "Mbor shoro nogor mbor gbor?" ititege jol nor. Ikukubulor, tep ne abebe bor, nnogor buba ka Gentiles, nyonji iba bor kaga uyamtem ulige ala. ¹² Ntiga ijolor abebe bor ya ireror afan mfam, fufo ntama bor yi ireror afn Gentiles, nanor afan mbor ifulor shenghe ukono nyor? ¹³ Ngha ntiga me kpi bongho ka wun Gentiles, fufo shenghim mbe me ntontulor ka Gentiles, me kpe ufugor iji ka ifangha tama. ¹⁴ Me mba ka uyamtem ulige ala ka mba ikpelor nkog nyam ngobji yama. Wurr ufenghe ba nogor mbandege. ¹⁵ Jolor nten ne mbor kolor ikono ba mfam, ba ijom iba jolor ntama kabor, ikpen shaga iku-o? ¹⁶ Jolor agbogor mbarr amogor ite ireror wele wele, noyor fufo ikun kun afufok ate ireror. Jolor arok ireror wele wele, fufo abubor ireror. ¹⁷ Ken jolor abubor nyandege iyalor tum, jolor wor ibubor ite Olive nji imeror nenting gudor ngho igom mbor, fufu jolor wun ye kor atengtenghe arok ite Olive nebor. ¹⁸ Ka feb nyorgum nenjiba shenghe abubor ken jolor wor afengho lim nor, wor shang afengho ka arok atonnor, ken arok ya ifengho ka wor atonnor. ¹⁹ Wun fenghe babongho na, "abubor yala tom nogor me gudor yel." ²⁰ Ngha itembaga ji tep ne mbor jom tama, noyor mbor yala tum , ken wun nyeme kpekpe tep ne ntama yenne. Ka wun tobor dol ka uji bene, ken fon wun ubol. ²¹ Jolor Ishor ka jobor abubor ibene, fufor animtege jobo wun. ²² Bre ngor ikpid inonob lime ne itontonor lime Ishor: Itontonor lime baba ka Jews nji igbolor ken inonob Ishor bala ka wun. Jolor wun yekpe yo lim inonob. Ka jolonor ifufo mbor ba wun keme rogor. ²³ Fufo, jolor mbor ka kpelor yo nene na ntama mbor, mbor babor gudor kak. ²⁴ Teb Ishor kpikpe ikor nogor agudor mbor kak. Ifengho jol wor mbor kema jok shaga ite Olive nji ibennor nenteng, fufo fenghe guda kak ngor ite Olive nji mbor talolele. Nan iba jolo ka abubor ibenne ite Olive nya mbor gudor kak ating? ²⁵ Tep me nimjor sheb nogor mbor ti wun tag ikikala nji wun kayilor agbayen jama iyoji wun yitigeba longho ngor ntobor yenne. Mon ijejek iba top Israel tetete nrorr nfala Gentiles ibayel ating. ²⁶ Ngha nnogor ba jolo ka Israel waa na nyono: "Nogor ane bajogo ngor Zion. Aba yige ashashab shaga Jacob. ²⁷ Fufo ntigha nti ibajolo ukononyo nebor, igara nti me bataba abebe bor rogo." ²⁸ Tep na ayeyebe alom ireror aneb ujing iregor ishi ja. Ken tep nor uyige ane ireror ikorr ibajol tep ngor idolo ufol. Mbaga Ishor ne nkogo ye ikpem nyangha. ²⁹ Jolor na imanemane wun ka kagor Ishor, ntiga wun bu kor unyenimok tep ne wun fonim nkaga. ³⁰ Tep ngho nkpa nyinghor, Jews nji ntiga ikpem kpe nkaga. ³¹ Ikukolor ijol mbe imok nji itebor ka fufo wun bangha kor imok. ³² Ishor bu gba nne we nji ndegendege waa kak uti fon nkaga nyonji aba tebe imok ka waa. ³³ Ba ating afan bodo ne ukuno abaga ne uyige abaga Ishor! Na nlama ye nne yiti ma jang fufo abarr nya wurr uti mal ba rengh! ³⁴ "Ngha nyonor be nyi ntobor Ntol afi nyono be fenghe jol nlelege we? ³⁵ Afi nyono be gbor mbarr ka Ishor ijom njindegendege nogor Ishor fenghe ne ji ka-e? ³⁶ Ngor ije idi fufo sheng ngor ije idi fufo ka we ngor abodo waa ireror ka-e we nogor nkaga ijol ngor ikpen igengen. nogor ijol nor.