¹ Agbayen bama mbah aneblom, itemtama ifonor ntama ka Ishor ka bor, ngor nogor bor. ² Tep neh mbo toror gumbor nambor kpelor atunor ka Ishor, itifengheh jol gor nyigeh bor. ³ Tep neh mbor kunum inonob nji yuror-gor idi Ishor, fengheh yor sheb nogor mbor lem inonob mbor mbafonor, mbor nerimka inonob Ishor ⁴ Tep neh Christy yor reror ukono nterr ibeneh fonor nogor inonob ijol ka fel neh weh tamor. ⁵ Fufeneh Moses nyonor gum inonob nji yuror gor ibeneh fonor; ne nyor yor lem inonob ibene fonor baneneh shengor ononob njingha. ⁶ Inonob nji iyugor ngor ntama ifengheh bong na; kawun bong ngor ntem yineh, nyonor bayuror yelgor ukun-iborr? (ntingho ire, nogor Christy ba ndege); ⁷ Kawun fengheh bong na, nyonor bayeleh ngor ateng iberr nti-dulor?'" (ntingho ire, nor Christy nyimeh gor iku ba- iborr). ⁸ Nanor ifenghobong? ilom fonor ireklor wun ikpedikped ngor nyor mineh neh gor ntem yineh. Ilom ntama nti umerbong ntitingho . ⁹ JOlor wun yor toror na Christy reror Ntol ne anyor yineh fengheh tma ngor ntem yineh na Ishor yimeh ngor iku, wun ba fonor nogor. ¹⁰ Tep nenan, neh item, ne-yor tama fengheh fon inonob, fufeneh, nenyor toror fengheh fon nogor. ¹¹ Tep neh ilom Ishor ibongho na; nendendege weh tamo tugeh nimba jolorgor ndon. ¹² Tep neh nyangha rem shaga ibugor Jew neh Greek. Tep nenan Ntol nyor myereng yii rero kawaa, fengheh jol inonob ka anemba iyor kogeh. ¹³ tep neh nendendege weh yor kok mbeng Ntol bafonor nogor. ¹⁴ Nanor mbor malba kogo mbeng yeh, nji mborkabor titama? Nanor mbor malba tamu tugeh njimbor kabor ti yok? Nanor mbor malba yogo njintoror alom kareror? ¹⁵ Ngha-ntiga nanor mbor malba toror alom, nji mbor kabor tribor tom? Na iyonor, Nanor arabkpada anemba iyor toror anonob alominobor!" ¹⁶ Fufeneh mbor waa shang ifonor nkaga inonob alom fonor. Tep neh Isaiah bongho mbeh Ntol nyonor beh tama ibong treh? ¹⁷ Ngor ikukulor, ntama yorba ngor nyogo, fufeneh, nyogo shengor ilom Christy. ¹⁸ Mfengheh babong, mbor yogumor? mbor ay, itembagaji. Ibong bor ibujen yelgor mfam waa, mbon bor ifewngheh relomogor ikukulor mfam. ¹⁹ Mkpeh bong bodongho, Ibugor Isreal inyilimeh?" Moses babong ngor mgbombarr mbawun ileme wun fon uyamitem ka uligalah shengor ijomji ikoreror ibugor. Ntingha ijogo mbeh ibugor njikapelor nyigeh, mbawun leme item iyam wun. ²⁰ Ngho igarantor, Isaiah fonor utunitem igaranti abongho. Anemba ika shebor meh mborba inyenor meh. Njileh gor idi anemba ikabibor gumeh. ²¹ Ababong ka Isreal fufeneh, Ngor ufomfo waa mbu tineh abor yama jok ka Ishasgab neh anemba ikprlor.