¹ Nyor bong itembaga ngor Christy. Nyom kpam umumala, fufene ntorbor yama yem ntenshe kame ngor inonob ufu, ² kame, nkpem uyebitem, teb ne iyama ngor item tama. ³ Nyol malba shebe nogor mbor to mme fonor fenghe yige mme bom nkpa ngor id Christy ngor usheb ba ngbayen bama. Nnib yama tonor ngor ngobji. ⁴ Mbor yorr ngor Israel. Mbo bu fon idi na abon, ntige, ukono nghor, mbaga ibeneh, idi ifangha ngor itaba ndor, nne, ukono nyor be. ⁵ Mbor ba ireror anebkol ba yala nyala, mba ngor idid bor, Christi jogor nne nkaga ka ngobji wur nji reror Ishor ka waa. Nogor ntige ti fon ikukulor. Norg ijorl nor. ⁶ Irem mbe ilom Ishor ikpem ma lem nna ibonghor. Teb, fel nne ngor Israel shang reror ngor itembaga ka IIsrael. ⁷ Afi wurr mba iyuror ngor itulor nnib Abraham ba ireror abon. "Sheng ngor Isaac yor ikogor itulor ja." ⁸ Mba ireror abon ngobji, abon Ishor shang. Abon mba ukononyor, mbor ba iyuror ngor itulor. ⁹ Teb, nta ti ireror ilom ukono nyor: "Ngha igaranta, mba baga, Sarah ba fonor mon." ¹⁰ Nta nnenteng shang, Rebecca fifene, bafonor ular ka nnenom nwereng, nshuwere Isaac- ¹¹ abon fonor mbor ka bel bor, mbor ka fenghe lem ijom nji ndegendege nji ishabor afi inobor. Inyor nji na Ishor be sheb gara nrangha iyi malba yemeh, teb ne nlemeh shang, teb-ne wurr, nyor kogor. ¹² Ibongho na, tage, "Nnyor nenkol ba rogor nyor monshe." ¹³ Ire gara na iyonor: "Jacob mkpe ikorr terr, Esau mkpem ikorr ka-e." ¹⁴ Jenji, ngho, wurr, uba-bongho? Itembaga irem ne ishor? Iti tenghe jol nnor. ¹⁵ Teb, abongho nne Moses, "mba fonor imog ka nyor mba fonor imog, nfenghe renghe nyor nshebor nogor nrenghe." ¹⁶ Tonor nnor, ikpen ire ka-e nyor shebor, afi teb ne nyor tobor, ire ka Ishor nji yor fon imog. ¹⁷ Teb ne alom Ishor ibongho ne Pharaoh, teb ne ntingha yor iwedoka nyiga, nyor nji malba tebeh ikor tama ngho idi ja. Fefene, nyor nji mbor ba toror gum mbeng yama ngor nfam waa. ¹⁸ Gara nghor, Ishor kpeh imog ka nne nyor kore, nyor ikore, aka-e utunor item. ¹⁹ Wor aba bongho nna, nenama, "nan iwedor ayokpe nyen nti ikakonor? ²⁰ Teb, nyonor nogor nne ntobor ye? Ngor ugbangha mbugor, nenom wor, nyoror nyor malba fangha, ten tugor Ishor? Nji mbor be mong imalba bongho ne mmong mongho mbe, nanor iwedoka alemor mme nar?" ²¹ Ntogor arrong kpem ikor shenghe ntoro nogor akor tor-ijomji inobor, fon ifan ka annep itek je, nne njigor nji ika kpelor ifanah? ²² Nannor, njolor Ishor be sheb nogor ateb uyamtem be, fenghe lem nogor mbor renghe ikorte afenghe bob abubodo nya abe lem nogor ako feleh idi runghor. ²³ Nanor, ijolor mbe alemeh nna nogor anne irenghe afang ye nne ntige nyi akpelor ka abubodo uyene imok nya alemor ngor ntige. ²⁴ Ijolor mbe aleme ka wurr mba akogor, mbor mbagor aneb Jew nenteng shang, fefene mbom mba ijogor ngor aneb Gentile. ²⁵ Ngha abagor bong ngor nwerr Hosea: "Mba kogo anne bama, mba ika jolor abama. ²⁶ Nghor, iba jolor mbe ibongho nebor mbe, 'wun anne bama shang,' nghor, mbo babor kogo nne abon Ishor nji reror ikpen." ²⁷ Isaiah rerr jog gum Israel, nrorr, abon Israel ijolor nna ibubu nya aya, mba ibafonor nnogor ifenghe ba shaga teke. ²⁸ Teb, Ntol ba lemeh nna alom ye ibongho ngha mfam, ikedeh inum kpe ba raba. ²⁹ Nna Isaiah be togor bong, "Njolor ntol fonor be ten tum batun tulor shaga wurr, uyol ba jolor nna Sodom ne Gomorrah. ³⁰ Bajom uba bongho igara ntor? Wurr are aneb Gentile mba ika yolor tonor nti ikonor, ifon nnogor, nnogor ukono nterr. ³¹ Israel ne iyolor tonor ibene nnogor, ifenghem ri ngor ibene fonor. ³² Teb ne nan? Mbo janghem nnogor fonor ne ukono nterr, mbo yol jangha na nfangha. Mbo gbor ngor utal ishele, ³³ Nna ibe togor nyon, "Bre, nnongho ngor Zion utal ishele, ne igboro utal uyamitem. Nne nyor tamor tugor nimba fonor ndon.