¹ Mba kpak phoebe mgbanyen njreh, weh reror nrogitome ikorbashi njireror gor cenchrea,. ² Inyor amal yebeh kogor ngor mbeng Ntol. Lem ntingha ngor mbarr njyi lagor awewele anebishor nor afengheh ka-eh ijomukaga ubor mbindendege mbi abashebeh ngor uborba, tep neh abujol Igboro ukaga ubor kaneh feb nemeh fonor fufeneh. ³ Kak priscilla neh Aquila uyor, barogitom nameh ka Jesu Christy fufeneh yor. ⁴ Ba-ibugor ngha ikpen tama ibetorgor kamkpen mbor mbobafonor. Mbubor ka-igafor, menenting shang, fufeneh akorbashi aneh Gentiles waa. ⁵ Kakikorbashi njireror gor itek bor, kak Epaenetus neh ikorr wamanyor, weh reror mgborgormbarr mogor Asia ka Christy. ⁶ Kak Mary nyor kameh,weh beh lem itutunor ifangha kaa. Kak Andronicus neh Junias nyor aterm bama neh aneb mgbagorbor nameh fufeneh. ⁷ Batontulor iyileh bornyi fengheh mgbombarr jolneh Christy kameh. ⁸ Kak Ampliatus, neh ikorr wama ngor mbarr Adakameh. ⁹ Kak urbanus nyor, neh ifangha ka Christy wreh fufeneh neh stachys, neh ikorr wama. ¹⁰ Kak Apelles, nenyor reror neh Christy y=nyor fufeneh, kak anemba inenorgor itek Aristobulus nyor. ¹¹ Kak Herodion nyor, neh ikonor wama fufeneh. kakanebitek Narcissus nyor, mba ireror neh Ntol. ¹² Fufeneh kak Tryphosa neh Tryphosa nyor, anebifangha ka Ada. kak Persis nyor neh iyebeh wama, werbeh lemifangha dole ka Ada. ¹³ Kak Rufus nyor, werbeh tabijibeh neh nyen neh uwama kada. ¹⁴ Kak Asyncriitus, phegon,Hermes, Patrobas, Hermas neh bangbayen bor mba ireror nebor waa nyor. ¹⁵ Kak Philologus Jlia, Nereus nenyen, olympas, neh awewele aneb Ishor waa mba ireror nebor nyor. ¹⁶ Kak wun atem nyor neh ikorr. Akorbashi Cristy waa ikpiwunikaga nyor. ¹⁷ Nghantiga, mkpiwunitaga, wun bangbayen bama nor wun tobor gumaneh mba imeh kor nyabah neh nshumortugor bangha. mbor ferr sgaga mkpele nyi wunbeh kpele shibeh wun shaga bor. ¹⁸ Mkpid anembangha yorm tik Jesu Christy wreh, mbor fengheh tik alambor bafonor. Shengor anonob neh iyeyebeh ibong bor, mbor nimeh ntemane mba ikayilor ijomjome. ¹⁹ Tep neh mfonghor nkagayineh iyor lomo felneh. Ngor ikukulor, mkpi fegereh kawun, fufeneh, mkpi shebeh nor wunkunibaga gara ijome njingho njinobor tifengheh nyijomjome nji ireror ibebe. ²⁰ Ishor nji tereh babaga nghantiga ntiga bayole nim kak wungho akpada yineh.Igrasia Ntol Jesu Christy wreh bajolor nenineh. ²¹ Timothy, neh ifangha wama, kpiwuni Kaganyor, neh Lucius, Jason, neh Sosipater, neh ikonor wama. ²² Meh Tertius, weh yonor ilom ntingha, kpiwuni kaganyor ngor mbeng Ada. ²³ Gaius, nenyor yor felemeh neh ikor bashi waa ikpal,ikpiwuni kaganyor. ²⁴ Erastus, mfele akobo ibugor fonor ikpiwuni kaganyor, neh Quartus mgbayen. ²⁵ Ka-eh nghantiga, weh malbawuni leme wuntunor garagor iolm e tama neh utoror alom Jesu Christy, gara uyeneh amirr abodo nya ireror jishele ngor ndagong, ²⁶ Nghantiga ibeh fengheh ribeh fengheh lem nyigeh shenghor uyonor uyenamirr ka ibugor waa, garagor ikor Ishor ikpenikeng-keng, fengheh kor inonob nkagaba. ²⁷ Nor Ishor njiyilor ibaga nenting shengor Jesu Christy fonkaga ngor ikpenikeng keng nor ijolnor.