¹ Igara nti mbeh yen abodo ya, fenghe yen mbohibeh ribeh gor ikun-iborr. Mgbombarr ilome ti nyogor iyol bongho nenama na ntang, yor bong, "bangha iborr, nyaba tepe ijome ji ibah jolor igara nti nyangha ibeh jeng. ² Ngho idulor-idulor njolor gor ufu, fenghe yen ite utol inongho gor ikun-iborr ne nendege bumor ngho. ³ Nenyor yolor bumor ngho fongho afemeh ite nga kporong ne mbar utal. Ngho mbonghojok jolor shibeh ite utol fonor kak. Mbonghojok fonor fongho mbariyiyerr. ⁴ Ate utol itle ne ini ishibeh ite utol fonor kak, itle ne anebkol ani ikagor ababara awuror ne ayon yonor akpo utol ngor ashi bor fengheh bumeh ngho ate utol fonor. ⁵ Rue nghor ite utol fonor nkem irana itep, ayork ne igbarah ndan alolol itrikang irimini iyol lol gor mboke ite utol fonor, atrikang nya ifonor afu Ishor arimini. ⁶ Ngho mboke ite utol fonor iyolor agboro aya na afomfom agome. Ngho iteng-tenghe ite utol fonor ne gor akpa ite fonor ijolor abodo ikpen ani, ne amirr feb, mboke ne njim. ⁷ Mgbombarr nyam ikpen, ajolor na mgbeh igborbolo jolor na mon ugodobia; igborbolo ira fonor ushimerr na nneh, ne igborbolo ini nyan ikpen jolor nah igboro iroke ji imeh buk. ⁸ Fel igborbolo nyam ikpen ini ifonor akpukpuk ararah, fon amirr feb ngor iborr ne ngha ndege. Atu ne njol nbor yaghim abor ibong. Wele wele wele yor reror ntol Ishor Adah weh fulor, weh jolor, weh reror, ne weh yagor ba. ⁹ Igara ntintegedegeh nji uyam ikpen iyagor tek nkaga ne igafor ka nenyor bumor ngor ite utol weh nenor ikpen igengeng ne ikpen igengeng. ¹⁰ Anebkol ishi itle ne-ini fonor iyor gbor nongho ngor mboke nenyor bumor gor ite utol fonor fenghe tegeh weh yor nenor ji lomo ikukulor. Mbor gbeh akpo utol bor ngor mboke ite utol fonor yor bong, ¹¹ Wor akpe ifanAdah jireh, ne Ishor jireh, nogor akor ntigeh ne nkaga ne ikor, tep ne alemey abodo waa, ne gor ntoborya ubor balor ikpen, fenghe lembor.