¹ Ngho igara ntor nyeneh gor mkpa ubob lome nenyor bumohite utol, ne ayonor gor mboke ne gor njim, ifufet, ikpagate, igbalor ne igbaga irimini. ² Nyeneh igboro adenger meh bong inonob ne igboro ilome, 'Nyonor ilagor inyor ameh ribeh ifufet ikukpaga ite nya fengheh fongho agbaga yeh? ³ Neneh rem gor iborr afi gor ndege afi gor ateng ndege weh malor ifongho ifufet nwerr fonor afi fengheh koke. ⁴ Mfababibi dole tep ne neh nwereng nyenimeh weh lagor inyor ameh ribeh ifufet ikpaga te fonor afi koke. ⁵ Fufene nenkol nwreng ba bong nenama, ka fab abibi. Breh! mgbe mon nnib Judah, nrok David, bulem abu ribeh ifufet nwerr fonor ne mgbaga irimini yeh. ⁶ Nyeneh joror yemor gor iteng tenghe idi ite ntol, ne gor igom uyam ikpen ani ne gor igom anebkol. Ajolor na mbor beh yol ngha. Afonor atang arimini ne amirr arimini nya ireror afu Ishor arimini itomor joke yel gor mfam waa. ⁷ Atum ji tara ifufede nwerr fonor shagah ubob lome neweh bumor gor ite ntol. ⁸ Igaranti abeh kor ifufede nwerr fonor nyam ikpen ishi ni ne anebkol ishi tle ne ani igbor nongho ndege ngor mboke mon njoro. Fel term fonor ijome abin abor ne ifomfom ikpenghe iroror ne abodo iluu, nya ireror aror aweleh aneb Ishor. ⁹ Mbor tomoe aberm femfeh: wor alilak inyor ameh kor ifefedeh nwerr fonor fengheh ribeh nkpak yeh. Tep ne mbor jalar fufene ne along mah agono ane ka Ishor, ngor fel ibugor ji tekeh, mbongho, aneh neh igboro ibugor. ¹⁰ Aleme bor monsheh ibugor neh adim nor mbor tek Ishor jreh fengheh breh mfam. ¹¹ Ngho igara ntor mba breh fengheh yoke ilome adengiri feb mba ijibor ite ntol kak ne abodo nenikpen ne anebkol. Mbor jolor atil igol ne atil igol bodo idijreng. ¹² Mbor bong gor igboro ilome, inonob ire ka mon njoror weh mbor yoleh nor afon ikor, afang, uyigeh ibaga, utunor akub, nkaga, nsharr neh ntigeh. ¹³ Nyogo ilem-leme ijome jindendege nji ijolor gor iborr ne ndege afi gor ala ndege ne gor iborr agboro alip fel ijome ngho idi bor imeh bong. Ka nenyor bumor gor ite ntol nor ntigeh, nkaga, inya, ne ikor ijol ka mon njoror ngor ikpen ikeng-keng ne ikeng-keng. ¹⁴ Uyam ikpen ani iba bong, nor ijol nor! fufene anebkol igbor nonghor ndegeh fengheh tigeh. Ateng tenghe neh akokolo akpaga nwerrGrek nyandege ibongho na; anebkol ishi tle ne ani fonor igbolor nongho ndegeh fengheh tik nenyor nenor jilome ikukulor.