¹ Tugor adengiri Ishor ngho ikorbashi Sardis inyonor na alome nenyor kpelor afu arimini Ishor ne arogondo arimini. Nyiyi nleme ya, akpe kpe mbeng na wun reror ikpen. wun fengm rey ikpen. ² Nyimeh, afenghe fon atunor nghor ijome ji ibeh shaga nogor ikpor, tep meh nkayen nleme yah ikon ngor amirr Ishor jama. ³ Boro wun ijome ji wun beh kor fenghe yoke. Kak wun ijome fonor nor wun yangha. jolor wun ka fengho nyimeh, mbabaga na nju, wun njim fenghe ba yibeh igara ti mbaba njim yineh. ⁴ Wun kpe abeng tekeh ngor Sardis mba awuror bor ibeh nyak, mbor fenghe ba jeneh nenma, kak ababara abodo, tep ne mbor rey gbole. ⁵ Nenyor winor ba kaka ababara awuror, nim tege fodo mbeng yeh ka nshuwama fabah ne ba adengria beh. ⁶ Nor nenyor kpelor atong, yoke ijome ji ufu imeh bong ka akorbashi. ⁷ Tugor nrogor itome ngor Philadelphia inyonor na, Alome nenyor reror welewele, ne itembaga akpe igboro David aribor neneh yom bam, abamor neneh yomah ribeh. ⁸ Nyiyi nleme yineh. Breh! mbu wun kak mbomi ribor mi neneh timalba bama. Nyimeneh wun kpe ikor tekeh, wun butege fon nkaga ka ilome tama fenghe titen mbeng yama. ⁹ Breh! mba leme mba iyogor-gor iyaga synague nim mba imeh kok ijibor nek jews mba ika reror nor, fenghe yor kpamamumala - mba bor leme mbor ba kumor arong ngho akpada yineh, fenghe renghe na mkpelor ikorr ka wun. ¹⁰ Tep ne na abeh gbeh ndegeh yamah fenghe nara nterr, fufene mba wunibomo shaga nyonho ka mba inenor ngor ndege. ¹¹ Mkpe baga ngha tiga-ntiga. Feleh inyor neneh timalba tara ikpo utal bineh. ¹² Neneyor winor nyabeh lemeh igor yemengor itaba ikorbashi Ishor jama animtege ba jogo shaga, mfenghe bayonor mbeng Ishor jama lageh, mbeng ibugor Ishor jama( Jerusalem mfemfeh nji iyuror gor ikun iborr bandege ngor idi Ishor jama). ne mbeng mfemfeh yama. ¹³ Yogor nenyor kpelor utong, yoke ijomeji ufu imeh bong ka akorbashi. ¹⁴ Tugor adengiri Ishor ikorbasha ngor Laodicea inyonor na: Alome nogor yol nor, neh ntensheh nyi kpelor nterr ka mfam Ishor. ¹⁵ Nyiyi nleme yah na aka reror ifofob afi ne nara nor. ¹⁶ Fufene, tep ne ilagm jolor wun meh fob afi nara-nyaga wun ku yigeh gor nyor mama. ¹⁷ Abu bong wombeh abu fang mbu fon abodo feb nimor kpeh, abu sheb ijome nyim beh arey ngor akanya nadol, akanya akanya, uwaga amirr uwaga amirr neh ata ata. ¹⁸ Rangha atong ka nlegeh yama: gono igole ji mor beh yor gor ngon nenama inyor ji amal ba kaga ijiba atifengheh tep ndon ata-ataya ne ayi na aba tama akurr ngor amirr inyor aba yeneh. ¹⁹ Mbu ten fengheh kak nendendege weh mkpelor ikorr ka-eh. Ngor ikukulor, jol dede ne ayangha. ²⁰ Breh! nyem gor mbo kpi kibeh abor. Jolor nendendege yogor ilome tama fenghe aribeh mbo mba shenghe yel gor ateng itaba yeh fenghe li neneh ne weh nenama. ²¹ Nenyor winor nyebeh kaga ikor nor abumeh nemama ngor itek utol bama, na mfonor ikorr fufene bumeh neh ushuwama ngor ite utol beh. ²² Nor weh kpelor utong yoke yome ji ufu imeh bong ka akorbashi.