¹ Ka adengir ikorbashi ngor Ephesus inyonor: Mbong nenyor kpelor arogondo arimini ngor ubob lome beh ne weh yor jen ngor igom agbada atrikang ifomfom ikongho irimini, ² Nyiyi leme nlemeh ya ikor ifangha ya, neh unaranterr bah neh na akaoma sheb abebe aneh, fenghe yongho mba yor tobor mbeh mbor ba tondulor Jesu bah nji mbor ka reror nor, fenghe yen bor naba kpamamula. ³ Akpe unara nterr tep ne mbeng yama, ika tegeh jegah. ⁴ Fufene mkpe iyam tem nenineh na wun beh tum shagah mgbogombarr ikorr, tah shagah njim. ⁵ Boro, ngor idi gbor. Yangha nogor alem abodo nya ajo lem ngor mgbombarr. Shengm abeh abu yangha item mbah fenghe ba yigeh ikpadatrikang jineh shaga idi jeh. ⁶ Ibeneh Nicolaitans, iyom korah nleme neya ikaobanya korrmeh fufene. ⁷ Nor nenyor kpelor utong, yoke nti ufu imeh bong ka akorbashi. Ka nenyor yor koufonor kaga ikor ayor lii ngor iteikpen, nji ireror gor iteng-tenghe idi Ishor. ⁸ Ka adengir Ishor ikorbashi gor Smyrna nyonor alome nenyor reror mgbombarr neh ikukulor, nenyor kpelor fenghe kpeh jolikpen. ⁹ Nyiyi akanya neh ukpak bineh, wun fenghe rey agboro ane. Nyiyi leme anemba imeh bong beh mbor aneb Jesu, mba kafengho reror nor. Mbor Isynagogue nim. ¹⁰ Ka fon ubol ngor ijomeji yagor yen-akanya. Breh! Nim yagaror wunbantege kak mgbagobor inyor ji wun ba fonor ayongho, fenghe yen akanya gor atu igole. Fon ntama teh-teh iku, iyaba kagah ikpo utol ikpen. ¹¹ Nor nenyor kpelor utong, yoke nti ufu imeh bong ka akorbashi. Nenyor wenor nimba kpogor igol ibal. ¹² Nrogor itome Jesu ngor ikorbashi Pergamum nyonor na; Alome nenyor kpelor mgbraja nji imeh korr ajimabalabal. ¹³ Meh nyiyi idi nim ireror. Jol na ireror nor wun tege fele mbeng yama tutunor. Nyiyi meneh wun tenim ufonor tama kameh, jol goratu Antipas ntenshe yama, nentama wama, weh mbor yoleh ngho igom jineh, ngho idi nim nenor. ¹⁴ Mbu wun joke gor njim ngor abonabaga tekeh: Ngho idinjor wun kpe mbantege ba ibeh fele mkpele Balaam, tutunor weh kpelor Balak nor aror ijome ji ibabama abon aneblome Isreal bome inyor ji mbor tikpeh ba ligeh ijome lili nyala ka abonlogote, neh unongho neh anebkal ayaleh-ayaleh. ¹⁵ Ngho mbarr nyor, wun kpe mbandegeh mba ibeh fele tutunor ka mkpele Nicolaitans. ¹⁶ Yangha item, jolor akah yongho, mbabaga ba tobbah ngha ntiga-ntiga, mfenghe nug ita gumbor neh imi ngor nyor mama. ¹⁷ Nor nenyor kpelor atong, yoke ijome ji ufu imeh bong ka akorbashi ka nenyor winor nyebeh kaga ijome lili jendege nji ireror shishele, fenghe ka-eh mbabara utal ne mbeng mfemfeh ngho utal fonor, mbeng nyi nenneh ka yilor shengm nenyor kolor. ¹⁸ Ka adengiri ikorbashi gor Thyatria nyonor; Nyangha alome mon Ishor, weh kpelor amerr na ilolo ngon fenghe fon arabkpada na iformform ikongho ajobor. ¹⁹ Nyiyi nleme yah, ikorr tah ne ntama ne ifangha ne unara nterr bineh. Nyiyi na ijome ji abeh lem ngha tiga ifulor shenghe ji wun lemor gor mgbombarr. ²⁰ Mfengheh kpe nta gumah: wun jol neh nenkal Jezebel, weh yor kok ijibeh neh nyene amirr nenkal. Ngho mkpele yeh ayonimeh ba rogor itome Jesu nor mbor nongho neh nendegedegeh, fenghe li ijome lili nyala ka abonlogorte. ²¹ Nkaleh igara nor ayangha, animor sheb ayangha abebe yeh. ²² Breh! nyebeh leme agbor uyam ne mba imeh nongho ne-neh agboro akanya, shengm mbeh mbor bu yangha shaga nleme yeh. ²³ Mba leme abon beh ikpor, akorbashi waa ifenghe bayigeh mbeh meyor nreror nenyor yor ka ikpen fenghe kor. Mba kaga felneh gara nleme yineh. ²⁴ Ka wun mba wun beh shaga gor Thyatria, ka nendendege weh ka kpelor mkpele nya tifenghe yi ijome ji mbandege iyor kok abodo nom nya dull-mkpi bongho nimor kpeh wun ka ilam ndin dendege. ²⁵ Ngor ilam ndindendege wun ba fele mbeng yama tutunor teh-teh mba. ²⁶ Nenyor yemor tutunor fenghe neneh gara nleme yama lomi kukulor nyebeh kaga ikor ka abugor. ²⁷ Ababor fele kpeh-kpeh kinikajolonor ababor fele wah jegeh jegeh na arong ntutobor. ²⁸ Na mbeh kor gor idi nshuwama, fufene nyebeh kaga nrogondo ufomfo. ²⁹ Nor nenyor kpelor atong ayoke ijomeji ufu imeh bong ka akorbashi.