¹ Yesu ataha bhuhyaka omu sinagogi, asanganamu musasa oghu ngalo siye syomiye. ² Bhantu bhalola Yesu akakubha naamukiliya kilo kya sabiite: nikuwo bhagube kumunyeghelela. ³ Yesu abhugha n'omuluaye ati: Omilile hala Agatigati. ⁴ Kulab'oho nabhaghila ati: Ni kilungi, kilo kya sabiite, kukola bhilungi keda kukola bhibi, ku kilia muntu keda kumwita? Bhaaholiya bii. ⁵ Dumbi, nana bhasaliliamu maso na kinigha, na kubhonabhona mu mutima ghuwe bhwa bhutaghuwa bhwabho, abhugha n'omuluwaye ati: Olambule mukono ghwawe.Aghulambula n'omukono ghuwe ngukila. ⁶ Abhafalisaayo bhatuwa na dumbi mbeechenka n'abha helodia kubala milingo sya ku mwita. ⁷ Yesu na bhakwamilili bhalughoho bhaghenda a nanja. Kibula kyabhantu nkimukwama kulugha Egalilaya; ⁸ n'Eyudea, n'Eyelusalema, n'Edumayo, n'esilili ly'enanja Yolodayo, n'omukpengbaga ya Tiilo na Sidonia, Kiibula kya bhantu kikaniye, nkiisa nambali ali. ⁹ Alaghila bhakwamilili bhe kumubalila bhwati bhubii, nanga abhantu bhamumighilila. ¹⁰ Nanga ngoku akiliyagha bhantu bhakaniye, bhaluwaye bhona bhamwegengelagha akili bhanamukumiy'oho. ¹¹ Emilimu syakamubhonagha, syamuteleliyagha na kuguga sitii: Oli Mana wa Luhanga. ¹² Noo aghilaghilagha na maani, etamumanikiisa omu bhantu ¹³ Akamaliye ebhi, naanina a mwena; naabhilikila abha abaliiye nabho mbaasa ambali ali. ¹⁴ Na nakomamu ekumi na bhabhili, bhakalaghe hai naye, ¹⁵ na kubhatuma kutebheja bhali na bhutoki bhwa kuhuma milimu. ¹⁶ Na ekumi na bhabhli abha akomiye mbhabhani: Saimoni, oghu aluka lina lya Petelo; ¹⁷ Yakobo, mutabhani wa Yebedaayo, na Yohana, waanina Yakobo, abha aalukiye lina lya Boanelege, nkimanikisa Mutabhani w'enkuba; ¹⁸ na Andeleiya; Philipo; Batulumaayo; Matiaasi; Tomasi; Yakobo, mutabhani wa Alufaayo; Tadeyi; Saimoni muukanana; na Yuda Isikalioti oghu akaghuliya Yesu. ²⁰ Bhakakukiye eka ewabho, bhantu mbatoda kusula eka omujighati kuhikiya bhatatuunga na bhwelwe bhwa kuliya. ²¹ Bhabhyaye bha Yesu, bhaakaghuye ebhi akwete kuleya, mbamwisila; nanga bhaghilagha bhati: Aluwaye esile. ²² Na abhahandiki, abhaalughiye Eyelusalemu, mbaghila bhati: Abhanduwe mulimu ghwa Belezebuuli; Akukolesiagha mukama w'emilimu kubinga obhulimu bhubiibi. ²³ Yesu nabhabhilikila, na nabhaghambila omunsimo: Sitaani anguhuma atiya sitani munakiye? ²⁴ Bhukama mbw'eghabhaniije, bhukama obhu tabhukutul'ho; ²⁵ Na tooli numba niyaghabhaane mu bhihandhande tekuguba kutuula enamiliiye. ²⁶ Tooli Sitani n'elwaanisiiye enini eghabhaniije, talaliiye gha kal'ho, akubha emaliyoho. ²⁷ Muntu takuguba kutaha omu numba ya ngajale, tooli ahunge etuunga liye, atakadubiye kubhoha engajale eghi, ala nibhuwo angutoka kuhunga enumba yee. ²⁸ Mbaghambiye omu majima, nsobhi syoona silighaniluwa ha bhana bha bhantu, na maambu ghoona ewa Luhanga; ²⁹ Noo muntu oghu alibakisiya omwoyo alukwela, talighaniluwa: Achweuwe musango ghw'ensobhi ya bhilo n'ebhilo. ³⁰ Yesu akabhugha bhini nanga abhahandiki bhaghilagha bhati: Abhanduwe mulimu ghubi. ³¹ Niawe n'abhato bhe mbaasa, bhamilila enja, bhatuma ku mubhilikila. ³² kibula kya bhantu kimwelighililiye, na bhamughila bhati: Njoko n'abhatato bhawe bhali enja na nibhuwo bhaakubala. ³³ Naabhakukamu: Maha niye ani, na bhato bhanje nibho bhaki? ³⁴ Dumbi amaiida amaso kulola abhalii bhamwelighililiye: Mulole bhani nibho maha n'abhato bhanje. ³⁵ Nanga wena oghu akukola ebhi Luhanga abaliye, oghu niye mana wa maha, mwaninasiye, na maha.