¹ Bhana bhamaa, mutabhonekamu bheghesa bhakaniye, nanga mumaniye ngoku tulichwelebhuwa musango ghusakaye. ² Tukusobhiyagha mumilingo sinji. Muntu nasobheye omwebhugha, ni muntu mulungi, oghu ali na mani ghakulinda mubhili ghuwe ghwona. ³ Ntua taye kighoye mukanuwa ka nkaina nikuwo situtemu ngeso, tulindiye mubhili ghwa siyo syona. ⁴ Olole kandi, na mati, gha hingulane kuneta naaghakusindikagha muwegha ghuhingulane, ghakubhungibhuwagha na mutumo ghunabhwana, aakubala kw'omubhungiya. ⁵ Nikuyo kimui dee, kilimi naakaba kali kantu kabii, kikwetongelagha bhintu bhinamulito. Olole nanguku esese lingwokiya mabili ghanji. ⁶ Kilimi nakiyo ni mulilo; ni nsi ya bhibii. Kilimi kabhikibhuwe mubhitwike bhimui bhyatu, noo kikwelaghuliyagha mubhili ghwona, na kyokiya bhwomili bhwatu, mulilo ghuli ngo ghwa Gehena. ⁷ Bhisolo bhyo mulingo ghwona nee n'noni, ebhikwekulumulilagha ansi na bhisolo bhyo munanja, bhitungiwe na bhuhanguwa bhwa muntu; ⁸ noo kilimi, takitungiwe na muntu nomui; ni kibbi kitangutanguwa; kisuye na bhuseguwe bhwa bhwiti. ⁹ Abhwa kilimi tukuhagha migisa mukama Luhanga esetuwe, na bhakiyo tukukinagha abhantu abhakolowe akisasani kya Luhanga. ¹⁰ Umukanuwa kamui aka bhikulughaghamu mugisa na kukinuwa. Takibonganuwe, bhana bha maha, kibhe kitiyo. ¹¹ Nsulo engutweseliya hamui masi gha nululiye na masi gha saliye? ¹² Bhana bha maha, kitulu kyongwanamu bhighuma bhya kiti "oliva", keda muzabibu ghunguba kwanamu bhughuma bh'ekitulu? Masi gha kisula taghakuba kutwesiya masi gha nuliliye. ¹³ Nani omwanu oghu etegheleye n'oghu ali na mageji? Oleka ebhikoluwa bhiye na ntualikaniya ndungi n'obhunuli bhwa kwetegheleliya. ¹⁴ Noo nuwabhaye omumutima ghwawe nabhusaliji et mwoyo ghwa kuhakangakana, otahakaniya majima. ¹⁵ Okwetegheleliya oku takuli okulughiye eghulu, noo nkwo munsi, kwo mubhil n'okwomulimu. ¹⁶ Nanga ambali bhusaliji bhuli, aliyo bhutabhanguko na bhikoluwa bhyona bhibihiye. ¹⁷ Kwetegheleliya kwa eghulu nikuwo kubhanja aakusena, tena kwa kainge; kwa mbaghanija, kwa bhughanili, kusuye nangughuma, na bhighuma bhilungi na taghalimu kusolola na bhughobhiya. Kighuma kya majima kikuheluwagha omubhusinge nabhakubalagha obhusinge. ¹⁸ Kighuma kya majima kikuheluwagha omu bhisinge na abhabaliye bhusinge.