¹ Nkiki ekuletagha mpaka nakulyana . omwenuwe? takuli kweghomba ebhibhadediye omughomili bhwanu, ² mukakubhalagha bhintu mutabhitunga, mutuwamu kwita bhantu: mukakweghomba byabhanji mutaabhitunga , mutongana kandi mulwana . tamukubhintungagha nanga tamukusabha luhanga. ³ Mukusabhagha kubhi, nimubhala ebhi mukukolesiye hakweghomba kwanu. ⁴ Enuwe bhantu bhatali bhesibhuwa tamumaniye ngu kubhotanuwa nensi nibhughighu na Luhanga nabhweki oghu akubalagha kubha bootu sye nsi, akubhagha ngighu ya Luhanga. ⁵ Mukwelilika ebyahandikiwa mbisubha ?Ebhighiliye bhiti majima luhanga afuuyo mwoyo oghu atumiye kutukalamu. ⁶ Kyonkaha akutuhagha ngughuma sikaniye; nikuyo kilekiye kihandiko kighili kiti: Luhanga akuhakaniyagha abhali na mpaka, noo aghanila abhadoti. ⁷ Nabhweki mudotele Luhanga; mubenge omulimu, na ghukughenda aseliye nanu. ⁸ Mwebhinge Luhanga, naye akubhebhinga. Munabhiye ngalo syanu, bhasobhiya; mweliye mitma yanu, bhantu bhatali na bhumilililo. ⁹ MUtuntule; musaliluwe na mulile; na nseko syanu sifoke kulila na kulila kwanu kufoke bhujune. ¹⁰ Mwebhundaliye mumaso gha Luhanga, na akubha niniya. ¹¹ Bhana bha maa, mutabhughano kubi. Wena oghu akubhugho kubi mwanakiye, keda amutwila musango, akubhagha abhughiyo kubi kilaghilo kandi akitwiliye musango. kuni, nuwatwiliye kilaghilo musango, okubhagha otobhahiya bhilaghilo, kyonkaha okubhagha muchu. ¹² Ni muntu omui enkaa oghu akuhagha bhilaghilo na muchu, niye oghu akugubagha kujuna na malaho; noo uwe, nuwe ani, oghu okutwilagha mwanakyawe musango? ¹³ Mughuwe enuwe, abhakughilagha bhati: obhwalo keda munkiya tukughenda mukibhugha nanka, tumaleyo mwaka ghumui, ntunasibhula, na tutungeyo maghobho! ¹⁴ Enuwe abhatamaniye ekikukida munkiya! nanga, bhwomili bhwanu nkiki? Muli nga kibundu ekikubhonekagha bhwele bhukee, anuma kibhulingisana. ¹⁵ Ohiyo, mungughili muti: Luhanga nasimiye, tukukalaho, na tukukola kini keda eki. ¹⁶ Noo enuwe mukwepankagha na bhyelilikane bhyanu bhya minigho. Kwepanka kutiyo kubihiye. ¹⁷ Ogho amaniye kukola kisemeye, na atakukikolagha, akubha asobheye.