¹ Bhana bha maha, enikilija yanu omu Yesu Kilisito w'eghulu etasimibhuwa na bhantu bhona. ² Tukwate ngu muntu oghu aluwete kikomo kya fweja na lughoye lusemeye munumunu, n'omunaku oghu aluwete bhichenche bhataahe nambali mukulamiliya; ³ Olola oghu aluwete kulungi, umusitamiya nambali ha kitiinisa, n'omunaku omughila: Uwe milila ala! keda: Sitama a bhukpetelo bhwanje hani, ⁴ Ala tamukubha mwetayemu ngabhanija, na kwefoola bhachuu bha misango agati yanu bhwa bhyelilikane bhibi? ⁵ Mughuwe bhana bha maha bhakundibhuwa: Timukengiye ngoku Luhanga akomiye bhanaku munsi alibho bhabha abhaguda mu nikiliija, na bhagwetuwa bhobhukama alaghie abhamukundiye? ⁶ Nanu, mukala kunaghilija bhanaku! Timumaniye ngoku bhaguda bhakubhabhonabhoniya na kubhakwatisia? ⁷ Talibho abha bhakusemasemangagha elina lilungi muhekiye? ⁸ Mmuwakoleseiye ekilaghilo kya Mukama, ku kwamanangana n'ekihandiko: Olikunda mughenji wawe ngawe wenini, mukubha mukoliye kusema. ⁹ Noo mmwakaaye kusolola bhantu, mukubha musisiye, mukuchweluwa musango nga bhahendi bha bhilaghilo. ¹⁰ Nanga muntu nabhaye asimiye mateeka ghona, noo ahenda kilaghilo kimuwi, akubha asesiiye bhyona. ¹¹ Nabhweki, oghu akaghila ati: Otalisiaana, niye akaghila ati: Otaliita. Nikughila nguu ni wabhaye otasianiye, noo wiita, olimuhendi wa bhilaghilo. ¹² Obhughaghe na kukola bhintu nga muntu oghu alichwelebhuwa musango ku kwamana n'ekilaghilo kya dembe, ¹³ Nanga kuchuwa musango takulia na ngughuma ewa muntu ogha atali na ngughuma. Ngughuma sisingiye kuchwela musango. ¹⁴ Abholughanda, kili namughaso kii muntu kughila ati nanikilija, atali na bhikoluwa bhilungu? Nikilija engumujuna? ¹⁵ Niwabhona mana wanjoko wawe wa bhusasa keda wa bhukali bhali muina na bhatali na bhyakuliya bhulikilo, ¹⁶ dumbi omui wanu amughila ati: oghende mpempa, otume na okute! no atamuhaye na kantu, ekikoluwa kitiyo kikughasa ki? ¹⁷ Nikuwo kulikutiyo nabhwe nikilija: akakubha etali na bhikoluwa bhisemeye, ekuye hali eyo yonini. ¹⁸ No muntu alighila ati: uwe, oli na nikilija, nanje ndi n'ebhikoluwa. Onjoleke nikilija yawe etali na bhikoluwa, nanje, nkukwoleka nikilija yanje mubhikoluwa bhyanje. ¹⁹ Wikilije ngoku Luhanga ali omui, okoli kulungi, bhilimu nabhiyo bhikimaniye na bhikutukumilagha. ²⁰ Obaliye kukenga, mudoma uwe, ngoku kuhikilija kutali na bhikoluwa kutali na mughaso! ²¹ Bhikoluwa, nibhiyo bhyalekiye tata watu Ibrahimu abhaluwa kubha muhikilija, obhu ahayeyo mutabhani we Isaka kumuhonga eki bhakuhongela ho. ²² Obhone ngoku nikilija yee yakolagha na bhikiluwa bhiye ebhikiliye, na kukwamangana n'ebhikoluwa bhiye nikilija ye yahikilila. ²³ Dumbi ekighambo kya handikuwe nkisulisibhuwa: Ibrahimu akahikilija Luhanga, dumbi mbamubhilikilamu botu sya Luhanga. ²⁴ Mubhoone ngoku bhikoluwa nibhiyo bhikwolekagha ngoku muntu asulisiiye, kutali kuikiliija kwonka. ²⁵ Lahabu emalaya naye akabhaluwa kubha muikilile nanga ebhi akoliye, kwebhaliya bhakwenda munumba yee na abhalukiliya mukihanda kinji? ²⁶ Ngoku mubhili ghutali na lwoha ghukuye, nikuwo kuhikilija kutali na bhikoluwa kukuye.