¹ Otasoghosa munu mukaikulu, noo omuhanulile nga e'se wawe, ohanulile abhatabana nga bholughanda. ² Bhakali bhengeye nga bhabhyaye, abhali bhatabana, nga bhanina bhawe, omukusenebhuwa kwona. ³ Muhe bhitinisa abhakwisiya abhalimu majima bhwobhukwisiya. ⁴ Mukwisiya omui nabhaye ali na bhana keda bhana bhatoo, bheyeghe anuma ya bhyona kughonja lughanda lwabho; nakukukiliya abhabhyaye ebhi bhatungiye mubho; nanga nkilungi ewa Luhanga. ⁵ Oghu alikwonini mukwisiya, n'oghu akaye enkaha, akukalagha bhwesighibhuwa bhuwe bhuli ewa Luhanga. ⁶ Noo oghu akaye mukudedeuwa kw'omubhili akuye, nobhu abha akaye. ⁷ Obhatulile bhintu bhini, nikuwo bhatalisa kutanukuwa. ⁸ Muntu oghu atalikuyambagha abhe, na munumunu, owolughanda luwe, eighane nikilija na kusaliya oghu atakahikiliwe. v 9 Mukwisiya noo mui ,noghu engeye bhilogholi nkagha na okatula asweuwe na musasa omwi; v 10 Asabhuwe kubha na bhikoluwa bhilungi ,bhya kukuliya bhana,bhya kutangilila,kunabhiya maghulu gho welukwela, kuyamba abha kubhonabhona,oghu akukolagha bhintu bhiona bhilungi. v11 Nnoo bhakubengagha;bhakwisiya bhato;nanga,obhuele obhu bhikumuyagha ewa kilisito,bha kwe kumbulagha kusweluwa; ¹² na bhakwesobheleliya abhughobhiya bhwo bhufumbu bhwo kubhanja. ¹³ Hamuwi nebhi,na bhatali na mulimo,bhakeyeghesiya kubhunga numba a numba;nanga kitali kutabha na mulimo,noo kandi bhwa lughambo na kolakoli,mba bhugha ebhi tabonganuwe kubhugha. ¹⁴ Nibaliye enuwe abhatabana musweele, mubhe na bhana, mulinde a manumba ghaanu, mutaha bhweele munanjighuwa bhwa kutuhambililiya; ¹⁵ Nanga bhaanji bhakachuwamo kukwama sitani. ¹⁶ Muhikiliile, musaasa keda mukali, nabhaaye ali na bhakwisia, abhayambe, n'enkanisa etatoda kubhalolelela, nukuwo egube kukonela bhakwisia bhamajima bhonini. ¹⁷ Abhajei bh'enkanisa abhakwete kulinda kusemeeye bhahewbhuwe kitiinisa miluundi kabhili , munu abhakutebhejagha n'okweegheesiya. ¹⁸ Nanga kikahandikuwa ngu: Tolibhowa munuwa nte obhu ekwete kuliya bhisingo. Na mukoli abomganuwe kusasuluwa. ¹⁹ Otaaghuwa kunyegheleluwa kwa mukulu w'enkanisa, akiili abhe anyegheleuwe na bhakaiso bhabhili keda bhasatu. ²⁰ Abhakwete kukola bhibi, obhahabhule mumaaso gha bhaantu bhoona nukuwe bhaanji bhobhahe. ²¹ Nkulaila mu maaso gha Luhanga na Yesu Kilisito, na gha bhamalaika abhakomeuwe, mukolesiye bhintu bhini mutetighiiye na kusindilila. ²² Otajweka muuntu mu bhwango, na otetahilija mu nsobhi siye, welinda wenini okale onseniye. ²³ Otakala kunuwa maasi ghonka ghonka; noo n'onanuwa mu twaluwa kabibii, nanga bhw'etundu n'endwala syawe syabhulikilo. ²⁴ Bhibii bhya bhamuwi bhikubhonekagha buwabuwa, bhatakabhachweleye musango, noo syabhaanji sibhoneka enuma. ²⁵ Nkwanokuu n,ebhikoluwa bhilungi bhikubhonekagha, n'ebhibi tabhikwebhisagha.