¹ Noo mwoyo alukwela ghubhughiye buwabuwa, ngu , mu bhwele bhwa mpelo, bhantu bhamuwi bhalilugha mu nikilija, na kweyunga a myoyo y'okudimaga na enjeghesiya y'emilimu, ² mu lughejigheji bheghesa bha bhisuba bhanahekiye ekyapa kyobhudoma bhwa bhyelilikane bhyabho, ³ mbatanga bhantu kuswela, na kubenga bhyakuliya ebhi Luhanga ataayo bhilibhuwaghe na bhahikiliije abhaakengiye amajima, hanyuma y'okwebhaliya Luhanga. ⁴ Bhyona ebhi Luhanga akoliye bhisemeye, na taaliyo kya kukubha, tubhiliiye omu kwebhaliya, ⁵ Nanga bhyona bhiseniye kusalila kighambo kya Luhanga na saala. ⁶ Amoleka ebhintu bhini omu bh'olughanda, okubha muheleliya wa Yesu Kilisito, oghu alisibhuwe na bhighambo bhya nikiliija na enjeghesiya ndungi eghi waakweme. ⁷ Obenge bhighano bhya bhakafwile na bhyakidomadoma. ⁸ Weyeghesiye bhwobha bhwa Luhanga; nanga kukola bhugiya bhwa mubhili kusemeye mu bhikee, noo obhwobha bhwa Luhanga bhuli na mughaso mu bhyoona, nanga bhuli n'endagano y'obhwomili bhwo bhwalo n'omunkiya. ⁹ Eki nikiyo ekighambo kyamajima na ekibongunuwe kutungibhuwa. ¹⁰ Nanga, nibhuwo twkola na kuluwana, nanga tutaaye bhwesighibhu bhwatu omu Luhanga oghu akaye, mujuni wabhaantu bhoona, munumunu abhahiliije. ¹¹ Olange na kweghesiya ebhintu bhini. ¹² Na muntu n'omuwi ataghaya bhujoongo bhwaawe; noo obhe kyakuloleloho hali abha ikililije, mu kighambo, mu ntwalikaniya, mu bhumaanji, mu nikilija, mu kusena. ¹³ Kuhikiya nkuukiye, wemaniliye kusoma, kuhanula, kweghesiya. ¹⁴ Otaghaya kisembo ekikulimu, ekyakuhebheuwe na bhulangi kusalila kujwekuwa omu lukulato lwa bhakulu bh'enkanisa. ¹⁵ Ololelele ebhintu bhini, we heyoo wena habhwe bhiintu bhini, nukuwo enkulakulana yawe ebhoneke na bhantu bhoona. ¹⁶ Welinde uwe wenini n'enjeghesiya yawe; Otule omubhintu ebhi, nanga, amakola otiyo, olyejuna wenini, na olijuna abhakukughuwa.