¹ Kini kihambo nkya majima: Muntu nabaliye kubha muloleleji, akubha akomiye mulimo ghusemeye. ² Naabhweki muloleleji abonganuwe kubha musaasa atali neki bhakumubhughoo, oghu asweye mukali omuwi, atabha muntu mubi, abhe w'ekitinisa, abhe oghu akutangilila bhaghenu, na oghu akuguba kweghesiya. ³ Abonganuwe kubha oghu atali mutamili, oghu atasakaye, atali na lughambo, oghu abaliye bhusinge, kandi oghu atakundiye munu sente. ⁴ Abonganuwe kubha muntu oghu aloleleye ka yee kusemeye, kandi oghu bhanabhe bhatayemu kitiinisa n'engeso. ⁵ Nanga muntu nasaghuwe ghalolelela ka yee, akguba atiya kulolelela nkanisa ya Luhanga? ⁶ Tabonganuwe kubha muikiliija muhyaka, nanga akala kwepanka na kileka aghuwa omukuchweluwa kwa Sitani. ⁷ Abonganuwe kubha muuntu oghu bhakafwile bhakuhele bhukaiso bhusemeye, nanga atengenga mu bhibi na mukikiya kya Sitaani. ⁸ Abha Diikoni bhabonganuwe kwe haa kitiinisa, atabha muntu wa ndimi ebhili, atali mutamili, atali muntu wa mululu ghwa sente, ⁹ muntu wa kubhinka nsita y'okuikilija mubhyelilikano bhisemeye. ¹⁰ Kibaluuwe kuduba kubhalengesa, nukuwo bhalakabha bhatali na nsobhi yoona, bhasimilanuwe kubha bhaheleliya bha nkanisa. ¹¹ Naa bhakali bhabonganuwe kuha bhantu bhanji kitiinisa, bhatali bha bhikoko, bhesighibhuwa mu bhuli kintu kyona. ¹² Bha Dikoni bhobhusaasa bhabonganuwe kuswela mukali omuwi, na kulolelela bhana bhabho n'eka yabho kulungi; ¹³ Nanga abhakwete kukola mulimo ghwa Luhanga kusemeye bhakomiye kikalo kya kitiinisa, na bhwesighibhuwa bhukaniye mu kuikilija Yesu Kilisito. ¹⁴ nkuhandikiye bhighambo bhini, niniila kuisa ewawe, ¹⁵ Kyonka, ninakesekeleuwe, okenge nangoku okwegheendiya omu numba ya Luhanga, eghili nkanisa ya Luhanga oghu akaaye, mpaghi y'omulusui na enjeghiya ya majima. ¹⁶ Na taaliyo muntu wena oghu akuguba kuhakana, nsita y'obhwobha bhwa Luhanga ni namulito: akafooka muntu, aagumibhuwa mwoyo alukwela, bhamalaika bha mubhona, atebhejuwa mu bhanamahaanga, bhantu omunsi bhamuikilija, atwaluwa eghulu omu kitiniisa.