¹ Mbasabhiye, mutakakoliiye bhuli kyona, mudube musabhe, mwesengeleliye, mutendeleje, musiime habhwa bhintu bhyona, ² habhw'abhakama n'abhantu bhoona bh'ebhitiinisa, nikuwo tubhe na njikala y'obhusinge n'eghi etekane omu bhwobha bhwa Luhanga n'obhwesighibhuwa. ³ N'kiluungi na kisemeeye omu mu maaso gha Luhanaga Mujuni waatu, ⁴ oghu abaliye bhantu bhoona bhajunuwe na bhahike a kukenga majima. ⁵ Nanga Luhanga n'omuwi, na omumililili, agati ka Luhanga n'abhaantu, Musaasa Yesu Kilisito. Oghu akehayo nga musiimbo habhwa bhaantu bhoona.Na nibhuwo obhukaiso bhwahebheuwe mu bhusumi bhuwe, ⁷ na habhwa bhukaiso obhu, najuwekuwa nga mulaangi na mukwenda wa kulaangila abhakafwile mu nikiliija na majima. Mbughiye majima, tabhili bhisuba. ⁸ Nibhuwo nibaliye bhaantu bhoona bhasabhe, mu bhuli kiikalo, bhaamukiye mikono eseniye eghulu magiila kinigha keda bhyelilikano bhibi. ⁹ Nsabhiiye abhakyaala, bhanaluwete kulungi, bhataakuswaaja mu nduwalaa yabhoo, bheesemeliye noo bhatakusibha esoke, kuluwala fuweja, keda bhukwaanji, keda ngoye siteembiye, ¹⁰ Noo bheesemeliye mu bhikoluwa bhiluungi ngoku kibonganuwe mu bhakyaala abhakwete kukolela Luhanga. ¹¹ Mukali ategheeleliye enjegheesiya anaholeiye. ¹² Tambaliye mukali egheesiye keda abhe eghulu sya musaasa; noo akale anaholeiye. ¹³ Nanga Adamu akaduba kubhoho w'okubhanja, Hawa n'alaboho; ¹⁴ Naa Taali Adamu oghu akadimuwa, noo omukali niye akadimuwa duumbi nataha mu nsobhi. ¹⁵ Mukali alijunuwa bhwa lubhyalo, n'obbhudooti bhuwe ekadikiliiye kukala omu nikiliija, omu bhumaanji, n'obhulukwela.