²⁰ Ee Timisewa, Olinde enguli, n'okubenga ebhugha litali na mughaso n'elitaloliye Luhanga, ²¹ na mpaka sya kukenga kwabhisuba oku bhamuwi bhakutebhejagha na mbalugha omu nikiliija. Oleke ngughuma sibhe naanu! ¹ Bhona abhali bhasiyana, bhamane ngoku bhabonganuwe kuhutiya bhakama bhabho. Nikuwo bhantu bhaleke kughaya lina lya Luhanga nebhi tukweghesiyagho. ² Abhali na bhakama bhabho bhakubhahikija. Bhataleka kuhutiya bhakama bhabho abha nanga bhahikilija bhanakyabho, bhabonganuwe kubhahutiliya kimui. Bhakughasiluwa bhahikilija bhanakyabho, na bhabhakundiye. Ebhi nibhiyo obonganuwa kubheghesiya na kubhatelelela kukola. ³ Muntu wena n'egheseye bhintu bhya mbaghanija nebhi tukweghesiyagha, aghila ati bhutumuwa bhwa Mukama watu Yesu Kilisito mbisuba na abenga ebhi tukweghesiyagha ngoku bhahikilija bhabonganuwe kutwalikaniya mu, ⁴ na akakubha ali namyepanko, na atamaniye kantu, kandi atatekane bhetekeleliyo na kuhakangana na bhanakiye, ebhikuletagha kweghoma, kutongana, kuhangilila, bhyelilikane bhibii, ⁵ noo abhakuhakanganagha na bhantu ebhyelilikano bhyabho bhitagumiye, bhatali namajima, kandi bhamaniye bhati bhwobha bhwa Luhanga ni ntandiko ya bhuguda. ⁶ Nintandiko ya bhuguda udedewe neki eki oli nakiyo; ⁷ nanga titwaletiye kantu munsi, na nimajima tatukuguba kughenda na kantu; ⁸ noo ntwatungiye bhyokuliya na bhyokulwala, ebhi bhitumaliye. ⁹ Noo abhakubalagha etunga bhakwegwngagha mubhilengeso, mubhikiya, na kweghomba bhintu bhikaniye bhitali na mughaso na bhilimu luku, ebhikutaiyagha bhantu mukuhuwamu na kubhula. ¹⁰ Nanga kukunda nsimbi nimuli ghwe bhibii bhyona; na bhantu bhamui, abhabhanduwe nsimbi, bhakalugh'omunikilija, na bhetahiya omubhujune bhukaniye. ¹¹ Uwe, muntu wa Luhanga, oligite ebhintu bhini, na obale amajima, bhwobha bhwa Luhanga, nikilija bhumanji, kugumisilija, bhudoti. ¹² Oluwane obhulemo bhusemeye mu nikiliija,otunge obhwomili obhutalihuwoho, obhwalekiye wabhilikiliwa, na nuwekukamu kusemeye mu maaso gha bhakaiso bhakaniye. ¹³ Nkulaghiiye, mu maaso gha Luhanga oghu akuhagha bhwomili bhuli kiintu kyoona, n'omu maaso gha Yesu Kilisito, oghu akeekukamu mu maaso gha Ponsi Pilaato, olinde ebhilaghilo. ¹⁴ na kutula otali na kitoneji, otali n'ekyonguleka mbakusoghosa, kuhikiya ekilo eki mukama waatu akubhonekela mu, ¹⁵ Ebhi alioleeka ha bhwele bhuwe ow'emigisa yoona n'ow'obhulemi eenkaa, Omulemi w'abhalemi, Mukama w'abhakama, ¹⁶ Niye enkaa atakukuwagha, akukalagha mu kyeleeli ekitalihuwo, taliyo muuntu weena oghu alamubhoone keda oghu akuguba kumubhoona, oghu alii n'ekitiinisa n'obhutoki ebhilo n'ebhilo. Amina! ¹⁷ Olaghile bhaguuda bhw'ebhilo bhini bhatepanka bhw'obhuguda bhwabho,na bhatesigha obhuguda obhukuhuwo bhwango, noo bhesighe Luhanga, oghu akutuhagha bhuli bhintu nukuwo tudeduwe nabhiyo. ¹⁸ Obhalaghile bhakole ebhilungi, bhaabhe bhaguda omu bhikoluwa bhisemeye, bhabhe n'obhughbhe n'obhwenge, ¹⁹ na kwekumaniliya etunga omu bhwele bhukwisa elisitamiye a musingi ghugumiye, nukuwo bhatunge obhwomeji bhwamajima. ²⁰ Ee Timesewa, Olinde enguli, n'okubenga ebhugha litali na mughaso n'elitaloliye Luhanga, ²¹ na mpaka sya kukenga kwabhisuba oku bhamuwi bhakutebhejagha na mbalugha omu nikiliija. Oleke ngughuma sibhe naanu!