¹ Bhakundibhuwa, mutakilija mu bhuli myoyo, kyonka mulengese emyoyo, kukenga sikakubha silughie ewa Luhanga, nanga bhalangi bhaakanie bha bhisuba bhakasa munsi. ² Mukengele a kini mwoyo ghwa Luhanga: Mwoyo ghwona oghu kwatula Yesu Klisto oghu aksa mu mubhili, ngwa Luhanga; ³ Na bhuli mwoyo ghwona oghutakwatula Yesu taghuli ghwa Luhanga, ni mwoyo ghwa muhakania wa Klisto, oghu mwaghuye ngoku akwisa, kandi endindi ali munsi. ⁴ Enuwe, Bhana bhato, muli bha Luhanga, na mukabhasagha nanga oghu ali mw'enuwe mmunamulito kusinga oghu ali munsi. ⁵ Ebho mb'omunsi, nikiyo kilekiye mbabhugha bhy'ensi n'ensi ebhaghuwa. ⁶ Etuwe, tuli bha Luhanga, oghu atamaniye Luhanga takutughua. Ala niyo tukumanilila mwoyo ghwa majima n'oghw'ebhusuba. ⁷ Bhakundibhuwa, tukundane nanga makundani nga Luhanga, n'oghu ali na kukunda abhyauwe na Luhanga na amaniye Luhanga. ⁸ Oghu atakundie tamanie Luhanga, nanga Luhanga ni makundani. ⁹ Kukunda kwa Luhanga kukolekuwa hali etuwe obhu atuma mutabhani wee Omuwi omunsi, nikuo tubhoo ha bhuwe. ¹⁰ N'okukund'oku takulingu nituwe tukakunda Luhanga, noo nanga niye akatukunda na asindika manawee nga muntu atukwiliye bhw'ensobhi syatu. ¹¹ Luhanga akakubha naa tukundiye, natu tukundane. ¹² Taliyo muntu oghu alobhonoo Luhanga; ntwakundane Luhanga akukala omu katii katu, na makundane ghe ghali omu bhusuye omw'etuwe. ¹³ Tukengiye nangoku tuli omukatii ke, naye omu katii katu, nanga akatutambuliya a mwoyo ghuwe. ¹⁴ Natu , tukabhona na twagumiya ngoku es'etuwe asindikiye omutabhani ong'omujuni w'ensi. ¹⁵ Weena oghu akwatula ngu Yesu ni mana wa Luhanga, Luhanga akukala mu katii ke, naye mu katii ka Luhanga. ¹⁶ Natu, tukakenga makundani gha Luhanga hali etuwe, na twaghaikilija mu. Luhanga ni makundani, na wena oghu akukala omu makundani ghe akukala mu Luhanga, na Luhanga akukala omu katii ke. ¹⁷ Ngoku akali, nikuo natu tukali munsi muni: Nikuo makundani omubhusuye ghatulimu,abhw'ekighendeleluwa twise tugumibhuwe ekilo ky'okuchwelebhuwa. ¹⁸ Bhwobha tabhuli omu makundani, noo makundani ghakubingagha bhwobha; nanga bhwobha bhukumanikisagha kifubhilo, na mwobha tali na makundani omu bhusuye. ¹⁹ Hali etuwe, tumukundie, nanga niye akaduba kutukunda. ²⁰ Nanga muntu nagahmbie ati: Sie nkubhagha nkundie Luhanga, noo anohiye wanina wee, ni musuba; nanga muntu oghu ohiye wanina wee oghu abhone, ongukunda atia Luhanga oghu atabhone? ²¹ Na tuli n'ekilaghilo kulugh'ewe: Oghu akundie Luhanga akund'owaninawee.