²⁰ Tumanie dee ngoku mana wa Luhanga asiye, na atuha magheji nukuwo tukenge Ow'amajima, na tuli omu majima kusalila omana wee Yesu Kilisto. ²¹ Eye niye Luhanga w'amajima n'obhwomili bhutahuwo. Bhana bhanje, mwelinde kulamiya bhisasani. ¹ Wena oghu ahikiije ngoku Yesu ni Klisto , akabhyaluwa na Luhanga, na wena oghu akundie oghu akamubhyala akundie oghu akabhyaluwa naye. ² Tumanie ngoku tukundie abhana bha Luhanga, obhu tukundie Luhanga, na mbu twakolesia ebhilaghilo bhiye. ³ Nanga kukunda Luhanga kutusabhie kumanya ebhilaghilo bhiye. N'ebhilaghilo bhiye tabhisaghane, ⁴ Nanga kyona kibhyauwe na Luhanga kikusingulagh'ensi; n'obhusinguli niyo eninkilija yatu. ⁵ N'ani ogh'akasingul'ensi, atali oghu ahikilije ngu Yesu ni mutabhani wa Luhanga? ⁶ Niye, Yesu Klisto, oghw'akasa n'amasi n'esaghama, etali n'amasi ghonka, noo n'amasi hamui n'esaghama; oghu nighu'omoyo oghukujulila ngu omoyo nigho amajima. ⁷ Nanga aliyo bhasatu abhakujulilagha: ⁸ Omwoyo, Maasi n'Ensaghama, n'ebhisatu bhighuangane. ⁹ Ntwasimie okujulila kw'abhantu, okujulila kwa Luhanga kusahiye; nanga kujulila kwa Luhanga kubhonekiye obhu ajulila manawe. ¹⁰ Oghu ahikilije mana wa Luhanga ali n'obhukaiso omu ye enini; oghu atahikije Luhanga amufoye musuba, nanga tahikilij'obhukaiso obhu Luhanga akoleye mana wee. ¹¹ N'obhukaiso nibhwo bhuni, ngu Luhanga akatuha obhwomili bhutalihuwo, n'obhwomili bhuli omu mana wee. ¹² Oghw'ali n'omwana ali n'obhwomili; oghw'atali n'omana wa Luhanga tali n'obhwomili. ¹³ Nkabha andikila ebhintu ebhi nukuo mumane ngoku muli n'obhwomili bhutahuwo, enuwe abhahikilije omw'elina ly'omana wa Luhanga. ¹⁴ Tuli n'okugumiya haliye, twamusabhiye kintu akubala kuwe, atughuye. ¹⁵ Na ntwamanie ngoku atughuye, kyon'eki tukusabha, tuli n'okuniila ngoku twakitungiye. ¹⁶ Muntu nabhone munakiye ataiye omukibhi ekitakumuletela luku, asabhe, na Luhanga akuha bhwomili omunakiy'oghu, akubhuha abhili n'ensobhi eghi etakuleta luku. Haliyo kibi ekikutwalagh'omuluku; tabhuli bhw'ekibi eki ngiliye nti musabhe. ¹⁷ Bhubi bhwona ni nsobhi, na kiliyo kibi ekitakuletela luku. ¹⁸ Tumanie oghu abhyauwe na Luhanga yakosobhiagha; noo oghu abhyauwe na Luhanga akwelindagha, na mughobhiya takumuikagho. ¹⁹ Tumaniye tuli bha Luhanga, n'ensi eni yona eli omubhutoki bh'omughobhiya. ²⁰ Tumanie dee ngoku mana wa luhanga asiye, na atuha magheti nukuwo tukenge Ow'amajima, na tuli omu majima kusalila omana wee Yesu kilisto. ²¹ Eye niye Luhanga w'amajima n'obhwomili bhutahuwo. Bhana bhanje, mwelinde kulamiya bhisasani.