¹ Bhana bhanje bhato, mbahandikiye bhighambo bhini,nikuwo mutaliguba kusobhia. Kandi muntu n'obhu asobhia, tuli na mubhughilili mu maso gh'Esetuwe, Yesu Kilisito w'amajima. ² Eye niye akatukwila abhw'ebhisobhi bhyatu, kandi teli abhw'ebhisobh bhyatu etuwe bhonkaa noo a bhw'ebhisobhi bhy'ensi yoona. ³ Ntwalindiye ebhilaghilo bhini, nubhuwo tukukenga ngoku twaamumaniye. ⁴ Oghu akughil'ati: Nkamukenga, kandi atakwete ebhilaghilo bhiye ni musuba, n'amajima tighamulimu. ⁵ Noo oghu ali n'ekighambo, makundani gha Luhanga ghakaye omuye omubhusuye: N'abhweki tukengiye tuli bhe. ⁶ Oghu akughil'ati ali mw'eye ali n'okulubatanga ngoku alubantangagha enini. ⁷ Bhakundibhuwa, tikili kilaghilo kihyaka nibhahandikiye, noo nkilaghilo kyambele eki mwatungiye kulugha a ntandiko; ekilaghilo eki kyambele, ni kighambo eki mwaaghuye. ⁸ Noo, nikilaghilo kihyaka ekinabhaandikiye, ni majima mw'eye na mw'enuwe, nanga mwilima ghwahoye n'ekyeleli ky'amajima kyabhonekiye. ⁹ Oghu aghiliy'ati ali mukyeleli, anohiye wanina wee, anali mu mwilima. ¹⁰ Oghu akundiye wa nina wee akutula mu kyeleli, na tali na bhwele bhwa kusaghuwa omu ye. ¹¹ Noo ogh'ohiye wa nina wee ali mu mwilima, akulubatangila mu mwilima, na takengiye ambali akughenda, nanga mwilima ghughaye maso ghe. ¹² Naabhahandikila, bhana bhato, nanga nsobhi syanu syaghaniluwe a bhwa lina liye. ¹³ Nabhahandikila, bhatita, nanga mukakenga oghu aliyo kulugha muntandiko. Nabhahandikiye, Bhatabana, nanga mukasagha omughobhiya. Nkabhahandikila, Bhana bhato, nanga mukakenga Tita. ¹⁴ Nkabhahandikila, Bhabhyaye, nanga mukakenga oghu aliyo kulugha mu ntandiko. Nkabhahandikila, Bhajongo, nanga muli bhamani, n'ekighambo kya Luhanga kitule omw'enuwe, nanga mukasinga omughobhia. ¹⁵ Mutabal'ensi, keda n'ebhintu bhyamu, oghu akubal'ensi, makundani gha Tita tighamulimu. ¹⁶ Nanga bhyona ebhili mu nsi, kw'eghomba kw'omubhili, kw'eghomba kw'amaso, na kweyighuwa kw'obhwomili, takilughiye ewa Tita, noo bhilughiye mu nsi. ¹⁷ N'ensi ekusala n'okweghomba kwayo; noo oghu akoliye kubala kwa Luhanga akutula bhilo n'ebhilo. ¹⁸ Bhana bhato, ni bhwele bh'empelo, na ngoku mweghesebheuwe ngu muhakani wa Yesu asiye, haliyo bahakani bhakanie bha Yesu: ¹⁹ Bhakalugha agati yatu, noo tibhabhagha bhamwi bhatu; nanga nguli bhaabhagha bhamwi bhatu bhangugumisilije hamuwi natu,noo ebhi bhyahikoo nukuo tukenge ngoku bhatali bhatu. ²⁰ Noo enuwe, mukasighuwa magita kulugh'ew'Omulukwela na mumaniye amajima. ²¹ Nkabhahandikila, teli nanga tamukengiye amajima, noo munghakengiye, na bhisuba tabhikulughagha omu majima. ²² Naani musuba etali oghu abengiye ati Yesu ni Kilisito? Oghu niye omuhakinia wa Kilisto, oghu ahakaniye Ese n'Omwana. ²³ Oghu Abengiye Omwana tali hamwi n'Ese. ²⁴ Bhyona ebhi mwaghuuye kulughilila mu ntandiko bhibhatule mu. Bhyona ebhi mwaaghuye kuhila mu ntandiko, mbyabhatuye mu, nanu mulitula omu mwana n'Omw'ese. ²⁵ N'endaghaano atuhaye, ni obhwomili ubhutalihuwaho. ²⁶ Nkabha handikila bhintu bhini ha bhw'abhakwete ku bhabhuliya. ²⁷ Enuwe habha mwasighiuwe amagita kulugh'ewe ghali omwenuwe, na tamwetaghisibhuwe kubheghesia,noo ngoku magita ghe ghakwete kubheghesia bhyona, na ni gha majima na kandi tabhili bhisuba, mukale muli hali eye ku kwamana n'esomo eli abhahaye. ²⁸ N'endindi, bhana bhato,mukale haliye, nukuwo obhu alibhoneka, tubhe n'okunihila, na a bhwele bhw'okukuka kuwe tutakwatuwa nsoni na kumusela. ²⁹ Mmwamaniye ngu ni w'amajima mukenge ngu bhuli muntu oghu akukola majima abhyauwe naye.