¹ Ebhyabhayo a ntandiko, ebhi twaghuye, ebhi twabhone n'amaso ghatu, n'ebhi twaloliye n'ebhi mikono yatu yaa kweto, kukwamana n'ekighambo ky'obhwomili, ² Nanga bhwomili bhukatweyoleka, na twabhubhona na nibhuwo twabhuhela bhukaiso, na nibhuwo twabhalangilila bhwomili obhutalihuwo, obhwabhagha ew'Esetuwe n'obhwatweyolekiye, ³ Ebhi twabhoone n'ebhi twaghuye, nubhi twabhalangilila enue, Nukuo nanu mubh'omubhumuwi natu. Kuni, n'obhumuwi bhwatu bhuli omw'esetuwe n'omana wee Yesu Kilisito. ⁴ Na tuhandikiye ebhintu ebhi, nukuwo kudeduwa kwatu kubhe mu bhunji. ⁵ Amakulu agha tweghiye kulugh'ewe, nagha tubhaghambiye, nkughila ngu Luhanga ni kyeleli n'omukati ke talimu mwelima. ⁶ Ntwaghiliye tuti tuli hamuwi naye, na ntunalubatanga mu mwelima, tu dimiye, na tandu twakola majima. ⁷ Noo ntwalubatangiye omu kyeleli, ngoku ali enini omu kyeleli, tuli naye omu bhumui, n'esaghma ya Yesu mana wee ekutunabhiyagha ekibi kyona. ⁸ Ntwaghiliye tuti tatuli na bhibi, twedimiye etu bhonini, n'amajima taghatulimu. ⁹ Na ntwatuye ebhibi bhyatu, ni mwesighibhuwa na w'amajima a kutughanila, na kutusenia a bhuli nsobhi. ¹⁰ Ntwaghliye tuti tatuli na bhibi, tubha ntumufola musuba, n'ekighambo kiye takili omw'etuwe.