1 Yohana 1
1
Ebhyabhayo a ntandiko, ebhi twaghuye, ebhi twabhone n'amaso ghatu, n'ebhi twaloliye n'ebhi mikono yatu yaa kweto, kukwamana n'ekighambo ky'obhwomili,
2
Nanga bhwomili bhukatweyoleka, na twabhubhona na nibhuwo twabhuhela bhukaiso, na nibhuwo twabhalangilila bhwomili obhutalihuwo, obhwabhagha ew'Esetuwe n'obhwatweyolekiye,
3
Ebhi twabhoone n'ebhi twaghuye, nubhi twabhalangilila enue, Nukuo nanu mubh'omubhumuwi natu. Kuni, n'obhumuwi bhwatu bhuli omw'esetuwe n'omana wee Yesu Kilisito.
4
Na tuhandikiye ebhintu ebhi, nukuwo kudeduwa kwatu kubhe mu bhunji.
5
Amakulu agha tweghiye kulugh'ewe, nagha tubhaghambiye, nkughila ngu Luhanga ni kyeleli n'omukati ke talimu mwelima.
6
Ntwaghiliye tuti tuli hamuwi naye, na ntunalubatanga mu mwelima, tu dimiye, na tandu twakola majima.
7
Noo ntwalubatangiye omu kyeleli, ngoku ali enini omu kyeleli, tuli naye omu bhumui, n'esaghma ya Yesu mana wee ekutunabhiyagha ekibi kyona.
8
Ntwaghiliye tuti tatuli na bhibi, twedimiye etu bhonini, n'amajima taghatulimu.
9
Na ntwatuye ebhibi bhyatu, ni mwesighibhuwa na w'amajima a kutughanila, na kutusenia a bhuli nsobhi.
10
Ntwaghliye tuti tatuli na bhibi, tubha ntumufola musuba, n'ekighambo kiye takili omw'etuwe.