¹ O n'kalea nuno li kpee, che o'nhangie bia Ebha ae hangia bakota badhaabo, ² bake nde ba moti bia ba ema na bakota bia bania baninke a bonja. ³ Boe sikise bame kusa bande bane domidomi bame kusa. ⁴ Abe amekusa la bani na mekusa la bani etata, bahangiane mosa la bhu kola la bonja a endu abo, na kolela la laabo inde banee a n'gobho aanja indo a njangisa MOKONGA. ⁵ Imbe ande amekusa domi domi, na aki asuba boo somana aeketeli MOKONGA na ika a elie naa ebhu asuba ememi. ⁶ Che imbe aiki asuba bosebose aku, na ngebe aha onea. ⁷ Oyonge aabo ema nde, angaa ba djai bande inda ba oka. ⁸ abe n'to nanda laeli anga bande baae na mosa mosa la bande bana mote aabo, akomi lebea, na amadjede laambe ndaga adhungili yonga la MOKONGA. ⁹ Angaa adjeame kusa, ba n'saele a mobili ndo, adjai neede la kelemo motoba, na adje nainde n'ke nde aya na moo moti. ¹⁰ Nie a ubhianane a bonja, lembele bani, ae sesee ba tambi, a sose egola bobhu, abei imbe ae tabela bande ba noba. abe imbe akola ema a bonja. ¹¹ Che o n'kome ame kusa nde a moti mbe kpee, ngaa bose bose na ba n'dolei Klisito, bakondi seana. ¹² Nibo baubhe budjede angaa bakomi lebea la maano nda Mosa. ¹³ Na ngaa ndo ndo, bae golisa ba leema, ba teisa aendu na endu; inda nde ba leema bosa, che ba bhomi na basekele a yonga nda banene, na yonga nde indaga ya toleli. ¹⁴ nekondi nete bani n'ke baesee, ngaa babe na bani, ngaa balange endua bo, nga bae moai teba bom'puo a djoma; ¹⁵ ngaa bande batoo ba n'sianeli kala n'keti. ¹⁶ abe bimoti bande ndaba etiaga, moo ao n'ke, ana bame kusa, ae tabele, na badjai n'kumba nda Kanisa li, ngae tabele banda ande bamekusa domi. ¹⁷ Banuno nde balanga hele ba toleli lokengo mala ibale, ande bande baikili tomia la mbini nd aMOKONGA na golisa la bande ba nebei MOKONGA. ¹⁸ Nga n'sao li ate: Indo nyanga nyo n'te li a ndmbinde aanga detela m'poo li. na n'koli li atoleli moa la n'tondo ndaae. ¹⁹ koyo beisa lea yonga adjede inde ba londa anga nuno li, nondo moni ba dhemu babale ao ba saalo. ²⁰ bando ba kola adjede, oo beisi mosa la bobhu, nga bande batoo bakua nde eboobo. Neono lapisa mosa la MONKONGA , mosa la Yeso Klisito na mosa la bamangese bane bae somboli, ba lenga ema nde kangana boo tea, na kangana kola na bungu ndao. ²² Koyo mbedea n'to nde ma dia dia, na koyo ngia asuba budjede nda ba too; oe ameene, oo bhise mabhu. ²³ O noai ibo ababhuli, che onoe na makana eede ngaa sose ekundu ao ngaama a djegeda a ndambi li bhu. ²⁴ Nangebe bo budjede nda bato bati ae hangiana, naba kidi mbe mosa la balondi, che n'ka anga bande ba ngboo, abi hobela nde tambusa. ²⁵ Nange be bo mobili nda anja ae aubhioanana , na inde ndaga ubhianani indga toa na esomeani.