¹ In'ka mee dha bhu ayonga a mbembete ate elie la sungila la leengo li, bato bimoti ama ba doa imani li, na ama ba baemea yonga la baketi na mano a baketi, ² a teisila la mangumba inda ba hani nde ba djede bande bana meema adjede, ³ bae kaisa bato li iyamani na be ngodea bato li bate bakome elea nde MOKONGA a telekisi, nai ayongi ate belee na be n'sima besu nde bei meno be nebei asuba domi li. ⁴ Anga inde MOKONGA ai a telekisi ande aanja, na inda beli ema nde anga be kooma, che belee na be n'sima MOKONGA, ⁵ angaa ema li bhulibhu a bhumani a teisila la MOKONGA na teisila la malombi. ⁶ Naye onde ootomili ba dhao yonga nde ond odja n'tetea manja imbe ma Yeso klisito, na otumi na yonga la imani na maano aanja inde obaemei hele hele. ⁷ Odoe gani a bobo na a mbea. ⁸ Oo menyelise a suba ubha la MOKONGA, anga boo menyelisa la ngobho ana boumu eede, che boo menyelisa anga MOKONGA anga abhisa bosike a ema ati, na bona ngebe inda ndiende na inde ama bhia. ⁹ Indo ande yonga la domi inde atoleli batoli ba sikise. ¹⁰ Bekola, na be manisa anga begesi maha laasu anga MOKONGa imbe aonea, imbe ande namisi a bato li bobhu m'pa mbea imbe ma baa amini li. ¹¹ O tomie yonga nde na o golise. ¹² N'to a bhonai ekota lao, che obe mufano anga ba amini li, a yonga, a mechee aanja, ekondi, aimani naa bobhu. ¹³ Mopaka esaande ama ne bhia nee, oomenyelise soma la yonga nde, a tomia la yonga nde na golisa li. ¹⁴ O bhonai owe ya meene edado nde onee, na inde oyo ooni teisila la ba ubhulili mbeno nde ba nuno nde bana Kanisa ai ba bhisi njagaabo angao. ¹⁵ Ogese maako lao ayonga nde, na obhedele hele, anga omate asuba mobili nda Yeso. ¹⁶ Oolange kpee, owe ya meene, na olenge egolisi ndao, omidile meemao asuba yonga nde, angaa naye okoli bo, omo olamisa owe ngangan na omo oolamisa bande ba oo okanei.