¹ Yonga nde ande domi, abe yeli na asei a melea la Kanisa la MOKONGA, a kabi mobili aanja kpee. ² A toleli imbe a langa Kanisa li abe amakanga yonga adjede, munya n'ke moti, imbe ae gegisa, mawede, n'to nde a tonganani, imbe aa sei abato, nhani manja, ³ abai imbe akondi moenge kpee, abi makpe imbe nda kondi n'tondo kpee, mawede, imbe akondi djedje na abai n'to nde akondi n'tondo, ⁴ abe imbe ameli hele enduae na ae hana baanae, sikis a asuba domi. ⁵ Ngaa abe yeli na toisi langa la neendu aee amnga toisa boni langa la Kanisa la MOKONGA? ⁶ Abai imbe alebhi a yonga nda MOKONGA, a tea la gua laae a booki nda n'keti lingaa boo bhebha laae. ⁷ Abai n'to nde ba n'saga ngaa adoa a booki nda n'keti. ⁸ Ba diakoni li nibo ba tonganane abai bato a edaa ibale, abi bato nde ba onji makana kpee, abai bato a sei a n'tonda adjede, ⁹ na ba langa lebea ndabo na meema abhu. ¹⁰ Ba teise mbea a mankengeo m'pa ba n'kolele MOKONGA naye ndaga ban yonga adje. ¹¹ na bake li nibo ba tonganane, babai bato a njomo, babe bato a boo gegisa, bato nde nda baetiaga a ema li bhu. ¹² Ba diakoni babe na bake moti moti, na bae hane bani li hele, na neendu abo; ¹³ angaa bande ba bheda mobili nda N'KONGA hela babe na bisike, na maha atii asuba lebea la Yeso Klisito. ¹⁴ neo saela yonga nde na nena elungu agala leengo ao sensen nde ani, ¹⁵ angaa oubhe naye nelebhi, sinde ongo tamba nee neendu aMOKONGA inde ande kanisa nda MOKONGA imbe aonea, ndui na tina domi li. ¹⁶ na makanga tekateka na suba sikisa la MOKONGA aati: Imbe ayae hangiani asuba ngobho, meema nda abhu aya hangiani sindelinde a tonganani, abaya ae hangiana bia Mangese, ai ba tomii mbino aae a meeme a ba mataifa li bobhu abaiba nebea a leengo li bhulibhu, ai ba n'sikisi asuba ebhebho.