¹ Mosa la kola mobili li bhuu, noono hana nete, a kola ememi, molako li, bungu li, ema lombela, anga bato li bobhu, ² anga Baame na anga bande bobhu bande ba toleli, nga beike a ngebe nda djedje na bowede, a tamba la suba mahano nda MOKONGA na imbe a tonganani. ³ Indo aanja na tongani mosa la MOKONGA namisi nde masu, ⁴ Imbe a kondi atw batoli bobhu balame na babe na ubha la domi. ⁵ Ngaa abeli MOKONGA moti na n'tulanisi moti meeme a MOKONGA na bato, ande Yeso Klisito, ⁶ imbo aya eehi iya meene akulia la bato li bobhu. bo dhemu nde aiki a ndambi ndaae. ⁷ Na ngaa inde ai nee tii ngolisi na nabi, ne yonga domi, inda ne yonga mbea; golisa la bande nda ba muubha MOKONGA asuba meema nda abhu na domi. ⁸ Bungu namo ande bia bato li ba meene a m'puo li bhu, na hangiana la djanga inde an budjede, kangana bodjoki na kangana maako adjede. ⁹ Na sinande bake, balole sindande a toleli, na boosikisa na meema boo midila, makanga oka la sia moo, na makanga olo, makanga n'sanga, na makanga ngombe nde a djemisa, ¹⁰ M'pa akola ema nda anja, bia nde a toteli anga bake inde ba kola mobili nda MOKONGA. ¹¹ A toleli n'ke a okanee mahano kangana kendelisa, na boo hohia ati. ¹² Inda ne moi n'ke m'puo a golisa, na dja la n a boti anga moo, che aike na boo hohia. ¹³ Nga Adamu iyeu ai ba n'telekisi mosa na Eva aba ba n'telekisa mbusa. ¹⁴ Na ndaga ai ba n'dhemi nde Adamu, n'ke li yeu, ai ba n'dhemi, na ai audjisi n'kani li. ¹⁵ Na am' alama a djala ema, abe na ehohii a meema aabhu asuba lebea la yonga nda MOKONGA, a suba ekondani, na asuba bobhu nda MOKONGA.