¹ Paulo n'tetea ande ma Yeso Klisito, teisila la mooko nda MOKONGA namisi aasu, na Yeso Klisito maha ndaasu, ² angao nami asuba imani, lokoo, ekondi, na djedje inde atoa anga MOKONGA na anga Yeso Klisito abe angao! ³ Neo kanisila maano ne neopi, esa nde nei negee ne Makedonia, mbeno nei neodu Efeso, angaa oongodea bato lebe kangana agolisa maano atoo, ⁴ na kangana baeme la gani na mbino a boteana inde ndana sungila, inde abota nde sani a m'pua a gesa la mobili nda MOKONGA mosa asuba imani. ⁵ Njomoe nde mati a mooko nde, ande ekondi nde a toa a meema aabhu, a maako aanja, na asuba imani a domi. ⁶ Bato bimoti, ba toi aindo na ba bungi a suba yonga boobo; ⁷ bae kaba nde bagolisi asalia, na inda baubha inde ba yonga na inde ba lebea. ⁸ Ndagwe be boseli sinde salia li ande aanja naye bokolisi inde salia li ayonga domi; ⁹ Na beubha sinde salia li inda ba bhisi be nde anga bande ba kola bonja, che anga bande badjede na bande ba bhona salia li, ba chweka na bato a budjede, bande inda ba akisomo, na bato a esomba, na bande bae ola baboti aabo, na baoli a bato, ¹⁰ bato a budjede, na bande ba kola ema la swee kisa, ba kukuba abato, ba mbembea, bande ba sela a mbea, na ema bhu inde nda baemei maano nda Yeso, ¹¹ sinda yonga ndaa anja inda MOKONGA na ebhebho nda MOKONGA abha bonja, yonga nde a mom'pi. ¹² Ne n'sima imbe aya mom'pi kala asuba Yeso Klisito Mokama nde mamoo ainde ai amo lengi sinda into nde indae tiaga a yonga ndaae, ¹³ aba mo meisa sinda n'koli mati a mobili ndaae, eme imbe neinde n'to nde ne bhona yong ndaae, nei nee nobisi bato nde ba Yeso, n'to makpe. Che nei neo ni lokoo ama nei ne kola indo ama kanga ubha asuba bola la imani; ¹⁴ na lokoo inda Mokama nde masu ai akanyi angami, na imani na ekondi nda Yeso Klisito. ¹⁵ Ande yonga la domi na yonga nde be lebee, sinde , Yeso Klisito abhii na leengo oninde bhia la lamisa la bande ba djede, na eme nende imbe ma djede mosa la bobhu. ¹⁶ Che nei ne pati lokoo, angaa Yeso Klisito ai a mo hangii midila la meemae angami, ngaa neme nedje mufano a bande ama ba nebea anga bebe na one meyo na meyo. ¹⁷ Anga Moame nde maa esali bhu Moame nde ma meyo na meyo, imbe nda kua, imbe bato inda ba mona na iso iye nganga MOKONGA, abe na boumu na ebhebho meyo na meyo, abebo. ¹⁸ Yonga nde neo okoa, Timoteo nami, sinde ubhilila inde aiba tomii angao, ande bende, omane emani aanja, ¹⁹ no bhedeli lebeali namaako aanja. Maako inda anja ndo, bato moti ba bungisi, na ba keti badu lebea li. ²⁰ Angaa bo ande Himeneo na Alekisandulo, bande ne needolei sitani, anga, angaa ba gole kanga na yonga la boobo.