²⁰ Timoteo, olange m'pimbo ndo hele, na oe hehole ayonga nda boobo, inda na lengo oni, ²¹ oe hehole na n'kokoto nda bande ba udjaga mobili nda MOKONGA, ba doleai lebea nde bai nee anga Yeso. Lokoo nda MOKONGA abe na benu. ¹ Bande baiki na mobili abato ba ngboo, baelenge bae melei sinde batoleli boumu, anga ina MOKONGA na maano ndaae ba bhonai. ² Na bande bana ba Klisito sinda baame aabo bae bhonai baamenea bo, ba yongai batebande badhaa bo, che bae kolele mobili hele ama bande bande ba Klisito bobhu na baubha kola la hele, oo golise yonga na oe hane. ³ Naye n'to nde a golisa n'kani a djede, naanda baemea n'kani ndaa nja, inda Yeso Klisito na maano nde a baemei yonga nda MOKONGA, ⁴ ande n'to a boe kumba, inda ubha ema, na inda djega la boe hihia a yonga la boobo, na yonga la boaka, iyo a toa we boetani adjede, esani, ma n'die, geanaga. ⁵ Yonga la boaka, inde bato badjede, indau domi, na ba aka bate baemea la MOKONGA ande tine a n'tondo, ⁶ ande tine a n'tondo ubha la MOKONGA na boe kabelaga. ⁷ Anga indai be bhii na ema na dodo oni, na ama be toa ama kanga ema. ⁸ Naye bena elea nde belea, na bhongo indo aati angaasu. ⁹ Che, bande bakaba n'tondo bangia asuba budjede, a booki na asuba sei sei a ema a djede inde ae ngisa bato asuba udjuana na abunga. ¹⁰ Anga ekondi a falanga ande tine a budjede aati, na bande ba baemei indo ba bungi dholo aimani li, na bae ngisi asuba maako a boobo. ¹¹ Angao n'to nde N'KONGA otee ema nde na okabege domi, yonga nda MOKONGA, imani, ekondi na midila la meema, na bowede. ¹² Omane bia aanja, inda lebea, odhunge ngebea meyo, ngaa lebea ndo ayae hangiani hele mosa la bato bati. ¹³ Neongodea mosa la MOKONGA imbe agesa ngebe a ema li bhulibhu, na mosa la Yeso Klisito imbe aya hangiani lebea aanja mosa la Poso Pilato a langa la maano, ¹⁴ na oike makanga n'kiki, abai be ema nde anga ba konga, kida la ndambi nde Mokama nde masu Yeso Klisito ama kida nee. ¹⁵ Imbe ama hangiana a ndambi aae ngoa aanja la kuhani, moame la baame, mokama nde ma bakama, ¹⁶ iya meene ndaga makua, iye meene aiki amabhu nde bato indaganga bakida antii li, inde n'to aoni mbe meno na ndaga be imbe auma ona, iye nded ma boumu, m'ekanda meyo ame! ¹⁷ Oongodee bato nde kelemo nda ndiende babai na botondo, na maha laabo ba bhisai a n'tondo nde a teisa, che ba bhiose maha laabo anga MOKONGA, imbe aasopa ema angay ngaya aso djemise. ¹⁸ Oe ngodee ote ba kole inda anja, babe batondi a mobili aanja ba tabelane na meema aanja, naba etabele bato ba ngboo na adha n'tondo ndaabo, ¹⁹ na boebhisile m'pimbo aanja inde auma ono lenda anga elie nda bhia, nga babe na ngebe aanja. ²⁰ Timoteo, olange m'pimbo ndo hele, na oe hehole ayonga nda booba, inda na lengo oni, ²¹ oe hehole na n'kokoto nda bande ba udjaga mobili nda MOKONGA , ba doleai lebea nde bai nee anga. Lokoo nda MOKONGA abe na betu.