² nabalenga sinde nde boolanga na budjede na botea. ³ Bobai na bunja inda na nsenge a ngombo'anu bosa, aoka la sia moo, alola la nsanga la nolo(or) ''oa'' bhongo a esombi ati, ⁴ che inde aasuba meema-nu ahangiane bodja, bobhu na meema a bowede, inde ande na boumu ati mosala Mokonga. ⁵ Banke nde baabhu bande ba mosa ai baebhisa nde ibo asikisa la Mokonga na asikisa la a bamunyabo, ⁶ sinde Sara ai ansikisi Abulaamu na ai akonga nde ate mokama nde mamo. Benu bonde baanae, naye bokoli bodja, amakangana tea ema nde anga anotisa. ⁷ Baboo, bohangiane maako anja ayonga ndanu na baka banu na boubha sinda nde ande bato bawede; boosikise na boubha sinde nibo bana moando imoti a lokoo inde aasuba ngebe a balabe. Abebo ngaa abai beli yonga adjede inde anga audja malombi ndanu. ⁸ Asungila-li, bobe na maako imoti na ''nia'' moti, na bokondane na boa boyongelana. ⁹ Bosise meno budjede a budjede, ''oa'' ehotani n'ehotani; bosulie ngoee nde, ngaa ai bano kogi nde akola la indo, angaa bobe na moando'a sulia. ¹⁰ Yeli naye akaba ngebe na bala na elie adja, akanise edaae yonga adjede n'ebobho'ae na honga adjede, ¹¹ Akome budjede na kola la bodja, Abaemee djedje; ¹² Ngaa iso'a Mokonga ande anga bande batonganani na etuelae aokanea ememi ndhabo, Che iso'a Mokama aelenga adjede bande bakola budjede. ¹³ Na mani amanokola adjede naye bokola bodja? ¹⁴ Ngaama, esa nde boibonoba angaa kola la bodja, boi na budjeme. Bobai ne bobo angabo, na boonobisai; ¹⁵ Che boobhumise a meema-nu Klisto Mokama, ana benu a manea lanu, asuba bowede na sikisana, mosala n'to nde aano hihia ''imani'' nde aasuba-nu, ¹⁶ na bona meema adja angaa bando bano geaga ndo bia nde boi nde bande bakola budjede, bande babhona tamba lanu asuba Yeso Klisto babole nde ba yonga . ¹⁷ Ngaa bonoba bele, naye nde inde Mokonga akaba anganu, asuba kola la bodja naanda bele bokoli budjede. ¹⁸ Klisto niye ai a nobi angaa budjede, iye mbe a tonganani angaa bato a budjede, ngaa asosise anga Mokonga, abaya akua a ngobho, che abaya aonea a kala Meema nd'Abhu, ¹⁹ aindo aiga etomila bande baku, ²⁰ bande indai balebei yonga nda Mokonga, esande lokoo nda Mokonga ai ekidili, esanda Noa, mbeno nde aya hii ''safina''-li, asubili-nde bato bede, lalo(8), bande ai balami a ibo-li. ²¹ Ibo ndo aya hangiana nde ndiisa, inde nda bhumisa ngobho, che boohahola na meema adja a baemeala Mokonga, na imbe mpa aano lamisa, na benu, teisila la djudjua la Yeso Klisto, ²² imbe aiki a djaga nda kpe, toa la esande aya gee nee na kobha, na bamangese, ba homi na bande ba kala nda na dodo oni, bande a mpaso'a kalae.