¹ Bokobhe dholo anu budjede-li bhuu, na madie-li na mangudumba-li bhuu, na isoiso-li bhuu na yongelana la mbea-li bhuu, ² bobe na sei, sina bani'a mbenje, bande bakondi noa la mbande'a meema na inda domi, ngaa teisila la iye bomote a ngebe-li, ³ na be nobokengei sina Mokama amanja. ⁴ Boo tundile kubhi nde anee, ete nde abe, inde bato-li ai bakomi, che ba somboli na aanja mosala Mokonga; ⁵ na benu bamene, sinde ete nde a beli, bohiane ngaa bohie endu'a meema, mobili abhu, ngaa bogabhe bololio a meema, anja anga Mokonga teisila la nga Yeso Klisto. ⁶ Ngaa bayongi asuba nsaoli bate: bo lenge, negesi asuba Sayoni ete mati, imde maa na pee, imbe bansomboli, madja; Na imbe anebei ndaa nga kua soni. ⁷ Boumu-li ande ndanu, benu nde bo nebei. Che, anga bande nda banebei, ete nde ai bakomi ba hii-li Adji ete mati imbe maa na mpee, Na ete la '' kikwazo'' na lokoka a yedema anga bande nda banebei; ⁸ ande ete la tukala anga bande nda ba lebei yonga la budjeme-li, ba lebeai, ni bo bai baetelekisi te ba bebo. ⁹ Benu, bonde eboti nde basomboli, bolio eboame, ''taifa'' abhu, bato nde ba Mokonga, nga bo labhe lokoo inda mbe aya nokogi toala suba elie-li ngaa bongie asuba bobhuu indae, ¹⁰ benu nde inda boi bato, na bodje bato nde ba Mokonga, benu nde indai bona ngomi, na ndiende bona ngomi. ¹¹ Badhami, neeno hana, sinda batambi na bateisi na dodo oni, na botee bosebose'a ngombo inde amana na meema. ¹² Bobe na mende anja a meeme'a bande ndaga ba mubha Mokonga, ngaa, ama bano kumbisa yonga sinda bande bande bakoli budjede, ba ona au sinde nde bonde bato banja, na bo bhebha Mokonga, a elie nde ama abhia nee. ¹³ Bosikise, ngaa Mokama, kela ehomi nde bato ba bhisi be, abe anga baame ''oa'' anga bande ba ehomi'a tii, ¹⁴ abe anga ba kafulunali(liwali) bande aetei ngaa baekalee bande bakola budjede na bhebha la bande bakola bonja. ¹⁵ Ngaa ande '' mapenzi'' a Mokonga sinda kolala bonja boodhaisa bande ndaga baubha na babhobho, ¹⁶ na '' uhuru'' nde boau, abai nda somea la bokpe, che a kola sinda bakobe nde ba Mokonga. ¹⁷ Boosikise bato-li bobhu, bookonde badhanu; bontee Mokonga; bosikise moame. ¹⁸ Bakobe, boosikise bakama nde banu, makanga bande bawede ibo'a mene, che na bande babakpe. ¹⁹ Ngaa ande lokoo anga n'to bubilia la bolie ngaa kanisa la Mokonga, sande yeli a noba la inde bankumbisi yeli. ²⁰ Aindo, boumu sina abe a nobelela budjede nde yeli indaya koli? Che naye bobubilii noba angama bokola anja ande budjeme mosala Mokonga. ²¹ Na indo yeu aangisi Mokonga aso koga, anga Klisto naiye ayanobi angaa su, aba aasodolea '' mofano'', anga bebaemee ahe nde ateisi au, ²² Iye bhe ndaga aya koli budjede nede, na suba nyoae inda aya toi au budjede; ²³ iye mbe ai badjoma, indaya sisa djomo, bakoleli budjede, indaya sisa, che aya gesa meema ae angabhe a londa hele; ²⁴ imbe aya kumbi budjede ndasu a ngobho'ae a mosalaba-li, na bende baku a yonga la budjede, bebe be a ema anja; na abeta lae boi bolami. Ngaa boi nde sinda bamboli nde babungi. Che ndiende bo siani anga nangi na '' mwangalizi'' maa meema-nu.