¹ Petelo, ntetea nde ma Yeso Klisto, anga batabhi na bande bahanjani asuba Ponto, Galatia, Kapadokia, Asia na Bitania; ² na bande Mokonga Ebha asuba ekondi ndae aya esomboli, teisia la bhumisa la meema, ngaa babe basikisi, babe bimoti asuba bololio a nsangi'a Yeso Klisto: na lokoo na djedje anje ati anga-nu! ³ Abhebheane Mokonga, a Bha Mokama Yeso Klisto, imbe, ngaa lokoo ndae ati, a bota la asu go, ngaa maha nde abe asuba djudjua la Yeso Klisto toa la suba kua-li, ⁴ ngaa a lohembo nde ndaga nga komba inde bano bhisili na kobha, ⁵ anganu nde, asuba ekanda nda Mokonga, lebea aano langi ngaa kalamo nde ai atigi bahobise elie la nda sungisa-li! ⁶ Iwa iye nde budjeme ndanu na ngee ama toleli, andambi nede bobe na bolie ngaa budjede nde bano kolia, ⁷ ngaa kenga la lebea ndanu, aanja teisa la nolo(or) nde ahela(inde bakengela nde a insa), na tambusa li ba sime, ba bhebhe, na sikisa, ndambi nde Yeso Klisto ama hobela, ⁸ imbe bonkondi na bo moni mbe meno aye, imbe bo nebei na bo moni mbe meno aye, bo njemela na budjeme mati na inda ebhebho, ⁹ ngaa ama bo ona kalamo a meem'anu aesombi la lebea nde bo nee. ¹⁰ Baubhilili, bande ai batomii mbino'a bhedea lokoo nde bano bhisili, ai ba djisi kalamo ema ndabo inda kabaga na hihiaga, ¹¹ kabala ubha la kelemo na ema nde Meema nd'Abhu nda Klisto aya bhisi asuba bo na inde aya ngisa ba ubhilila noba nde Yeso ama ona na ebhebho nde auma ona tambusa. ¹² Na ai baehangii bia nde ndaga inde angabo ibo baamene, che anganu, angisa bai ba kola ando, ngaa ai bano ngodei ndambi nde bande bai bano tomili yonga ndanja teisiala Meema nd'Abhu toala na kobha, na inde ba mangese-li bakondi te bakobhe iso abo au. ¹³ Na ngaa inde: boboe inde booki au, boogegise na bobe na maha ati asuba lokoo nde aumano bhilia, ndabhi nde Yeso Klisto auma hobela. ¹⁴ Sinda bani nde basikisa, bokengelagai go budjede nde boi boau mosa, ndambi nde boi asuba ebhebho. ¹⁵ Na ama bhe ayanokogi ande mabhu, na benu bobe babhu atamba la-nu bhulibhu, sinde nde basai ne: ¹⁶ Omo bodja babhu ngaama nende mabhu. ¹⁷ Na naye bokogi sinda Ebha imbe alondisa inde kela n'to aekolia, kanga lebea la n'to, bo tambe ne bobo a ndambi nde bonde batambi, ¹⁸ ubhala te ndaga nde ngaa ema nde anga bunga, ngaa falanga na nolo, ai bano oisani toa la tamba nda boobo nde ai bo dhusi anga babhanu, ¹⁹ che ngaa nsangi anja nda Yeso Klisto, sinda mia mboli nde nda enela na kanga mbotale, ²⁰ na imbe ai ba mbisili mosa la kengetisa la leengo, na bahobisi asilila la ndambi-li, angaa nu, ²¹ imbe teisilia la ngae, bo nebea Mokonga, imbe aya njudjusi toa la nga baku-li naya moi ebhebho, ngaa lebea ndanu na maha ndanu abe anga Mokonga ²² Toa la bhumisa la meema nu asikisala domi ngaa bobe na ekondani moti domi, bokondane kpee bimoti na bande batoo, na meema abhu. ²³ ngaama boi boboteani go, ndaga inde a mboo nde audjuani, che a mboo adja a yonga la ngebe na inda sua li bhuu nda Mokonga. ²⁴ Ngaama ngobho-li bhuu ande sinda loho na ebhebho lae bhuu sinda '' maowa'' a loho. Loho-li aoma na '' maowa'' e aba titiana; ²⁵ Impa yonga nda Mokonga aika nde meyo na meyo. Na yonga nde ande mbe ai bano tomili teisiala yonga ndanja(Enjili).