¹ Na sinde nnde, Yeso Klisto ai a nobi asuba kekeae, na bebu bobe na maako ndo. Ngaa ma mpe a midili meema ae a monobo nda na leengo oni a doa na budjede, ² Elie ede nnde atigi a ngebe anu, bo baemea igo bosebose nnde bato bakola, bo tambe sinde Mokonga a kondi nee ³ Alengisana na indo, kala ai bo menyeli elie ati a inde ba kola bande nda ba mubha Mokonga, na ba tamba a ete ati, bosebose, bokundilia, ekuta mpehe na noa la ati, na sikisa la esomba. ⁴ Na ibo aebangisi sinde nda bo lebeani n'ibo a inde ba kola, na bano yongela bhea. ⁵ Na kela n'to auma hangiana mosala Mokonga inde ai a koli ngaa Mokonga yeu ama ekonga bande baku na bande ba onea. ⁶ Ngaama mbino nd'anja ai ba labhi anga bande baku, ngaa ba ekoge a ngobho, sinde ba ekoga nee bato; ngaa babe ibeli a suba meema sinde Mokonga aiki nee. ⁷ Na ngebe asungi'a la ema-li bhuu a tigi bho a kide, bobe na ubha la bonja, ngaa bobe na ekanda la meema inda Mokonga. ⁸ Mosa la bhulibhu, bo ike asuba ekondi nda kpe a meeme anu, ngaa ekondi a degelaga budjede ati. ⁹ Bo seseane a meeme anu, makanga yonganaga. ¹⁰ Bia bagolisi badja bande bana edado n'tina n'tina nda Mokonga, kela n'to a nganu ae kolele badhae baemea na edado nde a nee. Lebe na yonga, abe sinde a yonga ae kanda nde a toa anga Mokonga; naye n'to akola nkasi a kole na ubha sinde a kola nnde a ekanda la Mokonga, ngaa ema-li bhuu Mokonga a bhebheane asuba Yeso Klisto, angambe ebhebho-li n'ekanda-li, kelemo na kelemo. Abebo! ¹² Badhami, aano bangisai, sinde ema nde aano kidii ande nda etambi, monobo nde a lola bia insa bo tangai bia etambi. ¹³ Bodjange, ngaama na Yeso ai ateseli aande aindo, nesande auma bhia bo uma bo djanga ankidi n'iye. ¹⁴ Bobe na ngowa mbeno nde bato-li bano hotaga a ina Klisto, ngaama Meema nda ebhebho, Meema nda Mokonga, aiki anganu. ¹⁵ A meeme anu, abaibe ato n'to moti, imbe ba nobisa ngaama ande moi, ande nkunkuba, nkoli'ya budjede, ''ao'' njonjii. ¹⁶ Naye n'to ba nobisi ngaa ande moklisto, a kuai soni, in'to ndo a bhebhe Mokonga ngaa ina ndo. ¹⁷ Ngaama mbeno a konga-li ba uma ba kengetisa nde neendu a Mokonga. Abana a kengetisila nde angasu a uma asungia nde boni anga bande nda ba sikisi mbino ndanja nda Mokonga? ¹⁸ Naye imbe a tonganani a lama a lubukila, in'toa budjede na nketi ba uma bande boni? ¹⁹ Ibo, bande ba noba asuba Mokonga babhise meema bo anga Ntelekisi, na ba kola inde aanja.