¹ Yesoh imah ninghe uwasa, a rapkpkwa, a ruvu rho ku yhi. ² An yendeh yi pigbwanu mi na ripum rima khao yhi i nohn uyah. I regghye u bangaskiya u yhoan, Yesoh iwoh upigbwanu mi, pivezen rene suggwhho vok. Amah guzu inang i puh. ³ Arong inung ana nyakarani an verghhuru woh ana tih, yhaon i woh, " Ivang idung na piyhaor uru iseri." ⁴ Yesoh imah yhao i kusu kisin jara ana suggwhhu na yhaon i woh, " Yene rer in sin dinni ikusi kiyikin ane suggwhhu na yin! ⁵ Vanghwu an vere woh, " ama guzu ivang i puh', Van an vere woh, ' cho a jara?' ⁶ Asa in ka yoeh awoh kono ka piyhaor kari usuru urikuya ku guzu ivang,......" I woh upigbwanu mi, " cho, zika uya kupuh, a zagghhavu urara." ⁷ Piyami cho a jara yhi urarah. ⁸ ayhaoh ama regghhye ken, a riseh amina a roh Asiri tiwomoh, ken na ka roh yhaor umuzu suru uruna. ⁹ Yesoh isin vhaozzhaonhao eh a won tegghye mi i rehghhye piya na ku kamdeh awoh Matta, i zoni agabzu ku sesse agandu. I woh nang yḥi " Dorkorohm" I cho a dorkoroyi. ¹⁰ Yesoh imah zomi asin rhao maziniru urarah a ya aku sesse agandu nang ayah ivang an ruvah rhao nan yhi nang agbwekseni ayi. ¹¹ A farisawa amah regghhye ken, an vere nang agbwekseni ayi aeon, " yene rene pimisseni uyin i sin rhao nang a sesseni agandu nanag aya ivang?" ¹² Yesoh imah pokoro ken, i woh, " Ayhao ami aghhar ripum a suni yhaon, piya uwan, agbwana a suni yhi. ¹³ Yhaoghaotekeni a Nang ami,' mini, ririlliporo na nrusu an zang uhadaya.' Nrotoh ruvah nkangh a yah vur an tuba̧ ankure aya ivang. ¹⁴ A gbwekseni a yuhanna an ruvah nang yhi awoh, " yene rene a wurhi nang a farisawa tehkutuzu ariseh uyiraken, a gbwekseni apuh anku zaku riseh uyiraken? ¹⁵ Yesoh iwoh nang yhao, " Aya kana irunga kumah ka magghyi ipivih, piyi runga roti Nang yhaon, annu riseh uyiraken. ¹⁶ Zah piya enka zikaufu kupass a reneizoa makusu ma wuss. katek amah dirkard kanka jita a Jhao makusu mami, u jitanu upiri uzoni on ka wanàhm. ¹⁷ A yhaor a ku zaku rene mani ma nyaki isokorok kupkwa ku wuss. Nna i riseh ken, kupkwa kumi kun nang satah, mani mami manngng nekteh, kisokorok kimi kin wantah. Utamih, a ku rene mani mapass isokorok kupkwa kupass, nasang kuman manka zaku winta." ¹⁸ Yesoh imah rotu seri avere mi, pirong uya gbwaki i ruvah nang yhi a tutuh I woh, " Pirinni unang ima khao kin kini, ruvah a tarkara carah ukan, kan ghhargha." ¹⁹ Yesoh ichoh a dorkoro yhi, agbweksenih ayi an dorkoro una yhaon. ²⁰ Pirong u nyoghhwoh umi sin ciizazah a manyo, tiwah a kireh-ativa i ruvah ka Yesoh a rike irepsekeh urigghha ku yhi. ²¹ Ima mugghha riti nyi awoh, " Nna ma susku rike maksu ma yhi man ka ghharghha." ²² Yesoh ikurvowo a reghhye yhi awoh, " Pirinni, zika usuru; Ubangaskiya upuh uma ghharghhane vuh." A dhaor kami pinyowo umi ima ghharghha. ²³ Yesoh imah nan ninghhe urarah ku piya gbwaki umi, i reghhye a yhi seruwa nang a yhaor an seri riyoghhoh rhi gbwaki. ²⁴ Iwoh, " chonini ina kini, karinni kami ka rotoh ma khao, kan ku nohn ammarah." ²⁵ amah chidda ayhaor ami u yah, I ninghhe urhaonghao kumi a Zhaobgbwo kan ana cara, karinni kami kan choh. ²⁶ Manang mami mang ninghhe mung a mayirizi mami nasang. ²⁷ Yesoh imah vhaorhao ma Jarayi a wori a tehghhemi, arumohavah an dorkoro yhi ansi kanghha a rinyii rigbwaki, akuwo, " Pokoro a ririlli povoh rhi wurhi, pivezene 'u Dauda!" ²⁸ Yesoh imah nang ninghhe urarah kumi, arumuh ami an ruvah nang yhi Yesoh iwoh uyhaon, " Immah rume woh man ka suska uroh yhi ni ikusu na insin tanzanahm? An woh nang yhi, " yii, Titugbwaki!" ²⁹ Yesoh irike ayizi ayhaon, awoh, " mun wanini ken kenna Ubangaskiya uyin uri," ³⁰ Ayizi yhaon an wontoh. Yesoh ivereh a rinyii rhi nirghhani awoh, " Suhun ihaom pirong i yhaoghaoteke anang arah." A yhaor avah arah an chirauyah asu waghha massara mami a mayinzi mami nasang. ³² A yhaor avah ami amah sin Jasseh yhaon, An yende yhi urakara kumi kurih tisifu. ³³ Adhaor kami mah mah duidde Aviku, ku rakara kumi kun vereh. A yhaor amah riseh amina awoh. " Aroto nana uregghhyi imuzu imanang mana a maginzi muh Isra'ila." ³⁴ A Farisiyawa anku woh, " nang piwomoh oviku na isin chizaza aviku." ³⁵ Yesoh imah Jarah a marho ma gbwakazi nang ma chinchizini. Ima sin misseh inung a majami'a, asing waghha a masara matiwomoh teh siri, a kan ghharghhazeh kotiriki tiwontohnoh nang uwonu. ³⁶ Imah regghhye a rifihireyhaor, a pokoro nrillipovo ri yhaon, a wareku woh ari inung invurah agura ma gbwekpkwete ana sugghhwu. A sughwi magahm mazah pivigghhani. ³⁷ Iwoh nang a gbweksenih yhi, " Tibuvah ti gbwaki, atumzanani an dun dung. ³⁸ Renni na chaot a tanzana Titugbwaki t ti buvah, asa itum aya tibuva, a tibuva tiyi."